心寒...

IN 完之後夜晚坐車番屋企... 聽收音機聽到南亞個邊海嘯已經令到七萬幾人死....仲話有可能去到十萬人.... 個心真係寒一寒.... 一個天災就造成咁大死傷.... 你話.... 個天點解要咁對我地???? 祝...死者安息, 親戚節哀.....

恒生Interview...

今日有幸去in 恒生既 Investment Services Associate, 朝9晚5....嘩, 聽到都覺得勁激動... 30幾人去IN~入房做左份apptitude test, 又numerical 又verbal, 好彩我都OK... 結果過完apptitude test foul 剩15個, 我係其中一個囉... 之後就再經過 10 mins 既 individual interview 再加 2.5hrs既 managerial written test, 直頭欏番 MT 既test 出黎俾我地做, 其實係個case study 去做一個manager要做既野... 做埋已經4點幾.....跟住就走左...真係一個由9-5 既interview =_=, 勁激動... 兩個WEEK內有RESULT知有無2nd in... 2nd in之後又仲有final in....希望順順利利啦~

爆缸...

今日落Chaser飲野, 當然同F8班兄弟, 聖誕佳節, 諗住玩得開開心心, 點知... 唉, 我都唔知因為咩原因啦, 整到隻眼, 有條2CM既痕.... 個日刻, 我自己都唔知發生咩事..., 不過就好FEEL到F8班兄弟真係好撐我... 個下真係好感動... 真係FEEL到原來自己有事有大家去撐我... 我整親事少, FEEL到大家關心我事大.... ANYWAY, 我會經一事長一智架啦... 多謝大家!!!! 老土D都要講句, 好開心識到大家.....

個人無乜心機咁...

D心情好似慢慢落緊去咁.... 做野又頹頹地.. 好想轉換下環境... 無乜Intention做野...

呢期好想轉工....

直頭去到Action既階段....

可能我真係想轉換下環境...

同埋想証明下自己能力...

祝...我好運

再嘗清真牛肉餅!!

今日阿媽又係一個人, 我做哂乖仔番去陪佢食飯, 但係又唔想嚮屋企食, 結果車在佢出九龍城食飯... 好耐無食過清真牛肉餅...其實想試好耐, 上次同Kenneth仔佢地又無去到...忍得好辛苦, 哈~ 結果今晚渣車出去, 又咁好彩兜左幾個圈可以泊正嚮間野門口, 不過都有少少擔心咁, 趕住食.. 嘩!!! 真係好好味!!!!.... 哈哈...真係好正...食完仲叫左外賣...正!!! 其實我都幾易滿足...嘿

經驗不足的証據....

唉...都話經驗唔夠啦... 連黃表早一日DEAD都唔留意到... 仲諗住老定到玩完番黎上網搞... 唉...蝕哂卓.... 我話過!!!我以後唔會再犯同一樣既錯誤....

終於考完

哈~~~終於攪掂啦.. 而家個感覺係....RELAX~~~~~~~~~~~~ 不過有DD暗湧架..., 好似唔係好識.. 當人人都對我有信心, 我反而仲大壓力... ANYWAY唔理啦, 學ALEX話齋, 錢可以解決到既問題.. 就唔係問題啦~~哈 不過始終都WASTE左D時間囉.. 所以會另一邊廂進行另一個計劃.., 讀Master.. 清晰目標, 我要改善生活... 我要渣BENZ, 三房兩廳, 環遊世界~~~~ 哈 (旁人話: 你學好D英文先講啦....<---我頂....哈~)

已經好耐無黎過...

因為呢排忙於溫書... 真係好有危機感.. 29/11-3/12 欏左一個WEEK假準備.. 我要一擊即中!

打份工o者..

你條仆街, 我已經做左好多唔係好本份做既野, 逗份咁既糧, 唔該你唔好扮哂野啦!!! 真係好慶... 你呢D人, 有報應架.., 講野咁多骨因為噎死呀你!!!!

中大海鮮餐 Ver 2.0

正...又再一次番NA CAN食海鮮餐, 今次同F8成班友仔.. 食得更豪, 飲得更激.. 買左四支白酒, 9條友清哂, 之後仲要再玩啤酒, 飲到個個HIGH 哂.. TOTAL買左過千蚊海鮮, 剩係龍蝦都六舊水..買左三大隻.. 碟龍蝦LUM到成坐山咁高..勁HIGH.., 最抵死係差唔多清得哂先恐怖... 呢班人都係一班蝗蟲...哈哈~~ 當然唔少得魚, 我地買左兩條細東星.., 師父整得好掂, 火喉o岩o岩好, 肉剛剛離骨, 無得頂呀~~~ 其餘仲有瀨尿蝦, 大蝦, 扇貝, 蠔, 東風螺, 炒蛽, 鮮尤等等, 實在係無得頂~~!!!!! 最過癮就係價錢實在係實惠, COST都係Around $250左右位.., 仲要包埋場, 嚮出面, 無5舊水都唔駛諗~~~ 呢D咁既海鮮餐, 除左嚮NACAN, 仲可以嚮邊度搵到..

其實有D唔係好想讀....

擔心緊讀完, 係咪真係有幫助..=_= 呢排個人有D負面添... 好想出去走一走...

忍左好耐...

太耐無去玩過啦.. 呢排俾個EXAM搞到自己周身唔自在, 時時刻刻都叫自己修心養性.. 唔溫書都唔好玩創哂.. 唉, 完完全全係考試壓力既表現.. 係咪我太耐無考過試呢...? 點算呀, 黎緊我foresee到仲有好多EXAM >_<

Lulu 婚宴 @ 2004-10-30

爽~ 第一次出席朋友間既婚宴... 坦白講論場面論野食等等都唔算得上係好, 但係勝在我地有一班乜都玩一餐, 又夠夾又玩得癲既FRIEND, 成個場黎講我地簡直有少少 dominate 左個氣氛, 起勢咁玩之餘又起勢咁劈酒~~ 有少少無理到對新人既感受, 哈哈~ 直至臨尾散席先同新郎哥嚮度劈, 不過我已經劈到醉醉地~ 好WING... 好彩臨尾阿童老豆黎左車佢走, 我就乘機坐埋上去, 哈, 有車番屋企....

排戰12小時後

終於都行得哂... 真係好需要意志, 互相鼓勵... 爭d行唔哂架我地..., 臨尾都早左少少到, 完成左一生一件大事... 好開心... 沿途有好多野發生架, 我要慢慢記低哂佢先得~ 不過隻腳好累...個人好累...身心都好累.. 係咪平時少做運動既原因呢 =_=

挑戰12小時前.....

訓醒就係啦... 準備充足, 聽日挑戰12小時...

我一定得!!!

努力 : )

琴晚又RELAX一番...

琴晚又係一月一度既F8聚會, 嚮稻香BOOK左圍檯食飯.., 野食黎講唔錯, 係等得耐左D咁解... 之後...唉, 肥偉嚮逼於無奈既情況底下要走先, 結果我地8條友繼續去Imagine飲野, 飲到12點左右就閃, 轉場番番去我地熟悉既Chaser, 見到Phoebe, 我地又繼續癲~~ 玩到兩點幾先走.., 好RELAX, 好爽... 不過依然係好戥肥偉慘...唉.... 感覺上好似打牌三缺一咁...唉...

原來今日已經係做左一年零一日....

想當年入RICOH...經濟唔好, JUST過左SARS... 今年...經濟好番D... 嚮RICOH有自己建立左一年既野... 入面有我既朋友, 有我既敵人, 有乞我憎既人, 又有D對我好好既人... 一年...話長唔長, 話短唔短... 唔知...我仲會嚮呢度幾耐呢?

生意淡薄...

唉...今個月真係好鬼死慘.. 無貨送其一, 個巿靜其二, 大公司做親乜野都慢過人其三, 上個月谷得太盡其四... 種種原因(唔排除自己都有錯啦)攪到今個月真係生意淡薄...得番一個WEEK, 都只係做左一半生意... 點算... 今晚開會俾老細捽到差唔多九點先至走得, 都好耐無試過... 個感覺真係...好差.. 最慘係無生意得黎又鬼死咁多野做個下慘... 想點... 唉.... (WELL....呻下o者...聽朝起身又要面對...)

有線...

真係令人又愛又恨... 不過今日佢有Promoter上黎Sell... 本著小弟今個月又唔係好好數, 幫下D sales 啦.... 結果.., $199 月費 + $15 租機 -$20 寬頻回贈 = $194 月費又睇一年有線.. 其實講到尾我都係受唔住誘惑.....

進步左~~

為左備戰挑戰12小時, 今日又去左行山, 今次OK激動架, 本身諗住行衛奕信徑3-5段, 嘩, 點知我地今次算叫做行得快左好多, 七個鐘就行哂3-5, 結果行埋第6段, 由油塘--->井欄樹--->沙田坳--->九龍水塘--->城門水塘... 嘩, 行完隻腳真係唔似係自己, 結果的左落荃灣番屋企... 今日經過BBQ場個陣聞到D雞翼勁香, 夜晚Request左阿媽整雞翼, 哈哈, 正~~~ <---希望真係有 今次由起點開始行, 真係覺得自己進步左好多, 隻腳無咁易痛, 氣又好左, 不過上樓梯都仲係我既最大敵人..始終未係好夠氣, 不過好彩落樓梯我真係有一手, 可能以前落得多啦, 哈哈~ 仲有一個WEEK, 24/10 就係正式啦, 要行44公里架~~~12個鐘, 一定得既!!!!

曼聯...

唉....想點, 又和...

打好D得唔得呀!!

BTW, 聽朝行山..., 朝早8:00..., 好有壓力...

今晚1L睇波

星期六, 肥偉屋企有D事本身諗住無波睇... 點知Nikki又搵我話今晚係咪有function, 哈, 即刻約哂班友仔睇波.. 都算幾好, 今晚無咁悶~~ 無左有線真係悶左好多.. 正PK...收得咁貴

呢期好似好大壓力...

工作上既壓力其實都有D慣, 咪又係追下數俾人捽下咁... 不過都覺得好似唔係咁鐘意.. 但係發覺最大問題好似係唔係咁想讀書..., 好似一路要KEEP住自己嚮一個勤力溫書既Situation真係好難, 好辛苦好唔舒服, 去玩又好似就住就住咁.. 不過就快要考啦..., 唉...點算好呀, 真係無乜動力去溫書.. 好想放假..., 放一個長假... 好想離開香港..., 去一個唔會有野要煩既地方...

而家工作情況

處於一個唔知點好既狀態.. existing 份工係幾自由, at this moment都算ok搵到食, 同D同事關係又唔錯, 嚮公司又建立左一D關係.. 但係長遠計, 真係唔係好 foresee 到我目標既生活..., 發展既機會又唔似好大.. 黎緊如果再唔轉工/field, 斷估唔多唔少會有D人工加下, 但係加左之後, 真係更加之唔捨得走, 因為轉工/field可能人工會少一截... 其實都讀緊/考左 一D希望轉去個個field既試, 做定個backup俾自己... 唉, 有時真係唔知點決定好....

番左中大

今日夜晚番左中大組聚, 好開心, 同佢地都傾計傾得好正~~ 呢班組仔女我覺得唔錯~~~ 再夜少少去左搵Peggy同阿KO傾計..., 同佢地傾計, 大家都無乜壓力, 好好FEEL.. 希望遲D再有機會.. PS: 真係好掛住中大...

第一次用

唉..真係唔敢同人講我係 IT 人.... 睇到電腦雜誌話 Blog 係水尾先入黎試下 Blog 係乜.... 好, 即管試下呢度有咩用先~~~