新場!

http://billylo.wordpress.com

開始有WOK

點樣先知道你係咪真正投入左一份工作?? 我今日有一個咁既見解.....

當你嚮工作上開始遇到WOK氣...某程度上都代表你已經投入左呢個工作! 第一次出左一份要欏俾客簽既L/O, 就出現在問題...

嚴格D黎講可能係我既疏忽, 無問到一D細節野... 但係, 我問番D同事其實呢一樣細節野又的確唔會次次都問及...亦都係因為咁...WOK就出現啦~ 某程度上真係令到我個心情差左D..., 不過我都應該控制得到既....

有D好彩係我老細唔嚮公司, 等我可以問多D人之後先處理我呢單野..., 有時間俾我提醒番自己我唔係要俾個麻煩我老細, 而係話俾佢知, 我為呢個麻煩諗左呢幾個Solution, 我覺得某一個Solution個Consequence比較好.., 問番佢有咩意見..

希望咁樣去 present 個效果會 professional D.... 呻完架啦...有咩Update再寫~

Module 1 完結了

今日考埋Final, 終於完成左10個module入面第一個, 感覺上真係比以前 undergrad 勤力好多... 無走堂, 有比心機溫書.... 結果係點都未知, 雖然狀態麻麻, 但係應該過得到自己過得到人地..., 起碼都叫做真係有付出過.. 努力呀, 黎緊仲有九個module (希望可以再少兩個, 慳番D).... 加油加油!! (特別鳴謝好同學的Equation Sheet......!!!) 另外..., 總算可以復活一下..., 好耐無去玩啦!!!

經歷2003年畢業的我們....

話說今日去見客, 落左地鐵站, 見到派緊"招職", 本來我都無乜理招職呢本書, 一黎因為唔係特別想搵工, 二黎呢本野都廢廢地.... 但係佢今期封面個headline吸引著我...令我係番轉頭欏番一本... 今期佢係講..., "低潮過後 - 03年畢業生回看與展望".....無錯...我就係其中一個..... 小弟讀Engine, 又要有D IT個一隻..., 身邊其實有一大批Similar background既同學/朋友仔..., 睇下佢地點先... 1. 有兩位做政府工, 開頭係入境處, 有位之後去左勞工處...前途無可限量 2. 有一位嚮電視台做緊導演, 老實講我真係覺得型 3. 有一位而家嚮保險公司做緊Consultant, 前途無可限量 4. 有一位同我一樣入左銀行界, 因為我都係, 不作評論 5. 有一位留嚮IT公司, 已經有o靚跟緊佢...前途無可限量 以上係同一GROUP既朋友, 7個IT人得番一個做緊IT...... A. 有一位做緊Account, 他日將會成為Lawyer, 無限祝福 B. 有一位做緊酒店業, 前途無可限量 C. 有一位創業, 飛黎飛去, 前途無可限量 D. 有一位做BA, 大公司, 飛黎飛去, 前途無可限量 E. 有一位嚮IT公司做Product Manager, 前途無可限量 F. 有一位嚮大銀行做SAP, 基本上讀書時Program唔識一定問佢, 前途無可限量 計埋小弟又係7個人, 正式黎講都係得番一個做緊IT...... 潛台詞有好多, 不能盡錄.....大家心照啦!! 坊間報導左幾多事實, 有幾以偏蓋全, 大家心照啦!! 祝大家好運~~ 遲下再講

要開心好難咩?

琴晚又同朋友傾開 "開心" 呢個問題..., 發現在一樣野, 個故事係咁樣既~~ 話說有一班感情好好, 維持左好耐既朋友, 大家成班人相處起黎都好開心, 個感覺好好, 會放大家嚮一個好重要既地位..., 有一班咁樣既朋友當然係開心啦...不過問題又黎啦.. 個問題就係人總會係貪心, 會希望呢個關係一路維持落去, 成班人都會一路開心落去, 亦結果因為咁, 變得開始擔心呢個 "開心"唔可以繼續... 我個一刻既回答係, 其實維持一班人關係呢一樣野唔係一個人可以做得到, 當然每一個人都要taking parts亦都要盡心落力, 但係一個人既能力有限, 有時亦都唔可以強求.., 呢段感情我地可以睇成為 "超額未完成", 可以繼續落去當然係 bouns, 亦都好願意繼續付出去維持... 但係, 萬一真係發生咩事既話, 亦可以懷念下當初係幾咁開心, 都算係一件好事..., 正所謂天下無不散之筳席嘛..,何必為左擔心而令到自己唔開心呢?? 我寧願珍惜每一刻相處既時光, 令大家都開心D, 又繼續努力去維持就, 唔會後悔就OK!~ 要開心其實真係唔難, 將開心既野放大D, 將唔開心既野縮細D...慢慢黎就應該可以.. : )

無線電視收費台之上門推銷

今晚番到屋企, 嚮我仲嘆緊我既晚餐既時候, 獨居既我竟然聽到門鐘響, 心諗唔通老母番黎睇下我餓死未?? 拿拿臨走去開門睇下....嘩...竟然有一名妙齡少女 (算啦...其實都係麻麻)禁我門鐘, 心諗...唔係掛, 竟然 X!#(*)$%*)# (下刪一百字)..... 原來.....話俾我知佢係無線電視既, 上黎主要係想同我講我住緊個度有個試播, 問我有無收到information, 佢話可以幫我嚮電視度SET番, 可以唔駛錢睇多40幾個台..., 小弟心諗, 你試播都係一兩個月, 算啦, 有著數又唔駛錢又有靚女入黎SELL我, 咪等佢入黎搞下我.....個電視囉, 請佢坐低, 俾埋個遙控器佢玩下囉... 佢又係咁易做下戲睇下我SET左邊D台, 就欏左佢本 promotion book 出黎同我講解下, 主要係問下我睇開乜啦.., 我咪話睇波呀, 新聞呀, 電影呀等等囉, default 答案架啦我估.., 佢就食住條水話啦, 我地新聞半個鐘UPDATE, 好過有線兩個鐘喎, 足球我地有4隊波自己既TV, 有得睇番 "轉播" 喎, 鐘意睇明星o岩哂, 仲有其他乜Q法甲英冠喎...等等..., 電視又有4條CHANNEL, 講到天上有地下無咁... 之後仲要講埋有志雲飯局咁巴閉, 不停咁SELL我..., 埋到尾仲講有18個月試播, 又話想可以大眾化咁每個家庭有得睇...., 到最後終於露出狐狸尾巴..... 原來...咪又係要 "每日3個幾" 去租佢部機..., 頂.., 懶係有skills咁, 化整為零, 巧立明目, 咩Q每日幾錢, 係租機唔係俾錢睇..., 大佬呀, 我話哂都sell屎出身...., 唔係唔知你想點呀嘛?? 當然啦, 我見咁好玩梗係玩耐少少... 咁我咪話囉, 有線咁多台我又睇唔哂, 英超我最鐘意你地又無, 新聞我又唔駛咁turbo半粒鐘update, 電視又唔係我主彩, animax, 東森, discovery, national geographic 有線又有, 頂哂龍咪有線個娛樂台要聽國語, 你個聽廣東話囉...我頂, 你又唔好彩啦, 我想學國語嘛...., 咩鬼野電影咩鬼野劇集...我心諗, 我要睇你估我無方法?? 唉..., 我將佢D selling point 逐一擊破, 佢都好盡力咁不停咁SELL我話可以多D選擇喎, 我咪話囉, 我自己一個人住, 屋企時間都少, 已經有埋有線, 再加你個野一個月一舊水, 我一個WEEK都唔知睇唔睇到1個鐘, 1個鐘cost me $25?? 係咪貴左D呀?? 結果...我就同佢講不如你FREE俾我睇呀, 反正你地有賣廣告, 成本唔係問題喎..., 一係我俾按金啦, 我唔睇俾番部機你時你退番錢俾我.., 俾舊錢你去做investment喎..., 幾抵?? 當然佢彩我都傻啦, 哈哈, 我都係純綷玩下野..., 佢又好無癮咁走囉...哈哈 作為 Gentleman 既我咪係咁易講下話唔好意思打攪左佢咁多時間囉, 盡哂力啦, 哈哈..., 佢遇著我呢D習慣哂香港消費模式又無乜fantasy購買消費慾既人, 仲要鬼咁理智, 轉數快, 仲要做開sales既我....都算佢唔好彩lu.... 哈..., 其實我都幾 Enjoy 人地 sell 我個下既..., 有時可以學下人地D skill set, 但係...要 sell 到我其實我自己覺得係幾難....除非我真係唔知, 或者真係好抵, 或者本身我都好鐘意/有用啦...., 如果係咁, 我直頭會自己走上門添....: ) 總括黎講...., 幾好玩...哈哈~ (有無朋友想睇無線電視收費台呀?? 我欏左佢電話, 其實如果無有線既話$100一個月都OK既...可惜我已經有有線啦...., 想睇既話聲我知啦)

點樣可以....小心D, 細心D!

上面呢兩樣野, 應該有無數無數無數咁多人叫過我要咁做... 由細到大我好多時都係衰嚮呢兩樣野手上... 今日老細又叫我小心D, 細心D... 睇黎, 我真係要認真D諗下應該點改變下自己...如果唔係, 做樣樣野都做得唔好.... 有無D咩方法可以訓練自己會小心D&細心D架?? 可唔可以教下我?

講下Mega Box

由於小弟公司下年有部份Department會搬去MegaBox (因為賣左舊廈), 所以對Megabox既進展唔多唔少都有特別留意下.., 近日聽到新聞話佢引入幾個大型租戶, 有冒險樂園, B&Q /百寶商(賣家居野), 仲有溜冰場, 好似好勁咁...但係我實在幾想知佢會唔會攪得成功... 小弟黎講不嬲非常非常欣賞新鴻基攪商場既實力, 最令我欣賞既係新城巿同APM, 我完全估唔到APM可以攪得咁旺, 開左年半都仲係咁多咁多人...(當然經濟好左係一個原因).... 不過APM, 新城巿, 又或者新都會等等, 都係因為隔離就有一個交通樞紐, 而且亦係區內唯一最大商場, 所以我覺得佢地係有認真揀過地方, 至於Megabox..., 我又係有D擔心... 1. 交通真係唔方便, 佢Quote就話接連多條九龍主要幹道, 鄰近九龍灣地鐵站, 駕車或乘公共交通工具(請留意佢主頁寫左 "公"具), 均可輕鬆抵達... 我真係好想問下佢地有無嚮地鐵站行過過去, 大佬呀, 嚮MTR過去, 我估15mins都唔得.., 中間仲要經過德福新舊兩個商場, 人地恒隆又攪得唔錯, 除左去朝聖之外, 再去其實真係諗過先.... 仲有喎, 接連九龍主要幹道.., 我頂, 人地個度都無得轉番入黎, 關你鬼事咩..., 同埋主要幹道都係因為去第二區先行, 無啦啦黎你個度?? 係咪咁有 selling point 呀?? 即管睇下你無左地鐵火車係咪都攪得咁成功!~ 2. 講消費潛力, 東九龍區數得出既大商場已經好多, 新都城, APM, 德福, 荷里活.., 有呢四個嚮度搶生意, 遠少少仲有個又一城, 基本上所剩已經無幾.., 再加上後生仔女鐘意去旺角/尖咀/銅鑼灣, 仲邊度有人會去你個度?? 當然你會有一班嚮個度放工無野做既上班一族去你個度行下..., 但係消費最多既星期六及日..., 變左無人去, 你睇下D租戶會點話你?? 嘉里建設本身有咩商場小弟其實無去留意過, 唔知往積如何.., 當然我POINT OUT到出黎既野班management一定有諗過, 會點解決我都其實好想知, 係咪單靠接駁巴士同行人天橋就得? 我都好想睇真D... 想當年我都critise過APM, 但係SHK証明比我睇佢幾咁有料.. 自問小弟都係住嚮東九龍咁多, 多個大商場俾我hea下時間我都好想, 最好多D餐廳比我試下添!~ 無論如何都祝你成功...~

越黎越懶寫...

大檸樂, 覺得自己又開始有少少懶寫 Blog, 曾經我經歷過一段時間忙到嘔無乜點寫, 但係寫寫下KEEP番實在覺得記得自己一D特別野既重要性, 再加上番轉頭睇番個陣時個陣會心微笑既感覺, 實在係一種好大既原動力令我又再繼續寫... 不過呢排個人實在大累, 唯有減少寫既次數, 但係每次都寫番多少少俾自己睇下.. 話說上個WEEK個人幾開心, 點知到左星期一二因為唔係咁舒服心情麻麻左D, 身體一唔好就好易諗埋D唔開心野, 變左個人都DOWN左少少.. 但係到番呢個禮拜尾, 我D心情又番哂黎: ) 話說星期四去左LKF, 同一班 Master 既同學仔第一次出去玩, 本身我已經嚮HAHA同個朋友吹陣水黎個Happy hour, 之後食D野先 join 番佢地一齊玩, 估唔到又幾正, 其實除左我一個係local之外佢地都唔係香港人, 我當然盡哂地主之儀同佢地介紹下LKF, 可惜星期四, 人唔算好多, 俾唔到佢地睇LKF最繁榮既一面, 唔少得cheer一齊飲野, 我嚮度諗講乜既時候就爆左一句 "Welcome to Hong Kong", 哈哈, 個感覺都唔錯!! 可能呢班人都真係後生仔女, 嘩, 飲左少少就開始衝出去跳舞, 仲要係我地去 initiate 其他人一齊玩, 竟然由佢地黎攪氣氛, 我都真係始料不及, 開頭仲驚因為太少人悶親佢地, 估唔到可以 natural high + 攪埋氣氛, 實在都真係無得頂!! 哈哈, 至於我?? 老啦老啦..., 玩陣都要抖下, 哈哈, 玩到咁上下仲要早少少走, 無計啦, 第日仲要番工架嘛, 不過都非常Enjoy!~ 期待下次星期五/六去玩!~ 玩左一日, 到左星期五, 工作既野咪講啦, 放左工, 哈, 講下夜晚~ 好難得一次過約左十幾個IE既同學仔出黎食飯, 其實我都估唔到大家都仲係咁好玩..., 無錯我認有時我真係唔想約太多人, 始終有D會係熟D有D會係無咁熟, 少D人可以傾到計D, 但係有時間唔中約下多D人出黎食飯吹水玩, 又係另一種感覺, 可能我始終都係鐘意熱鬧D....哈哈~~但係...下次搵其他人一齊約啦, 次次都係我攪....頂, 哈哈!! 發覺對住呢班人我真係變得好多野講, 成日都係我同NJ一唱一和, 講真其實係攪緊氣氛架, 哈哈, 大家玩得開心我不知幾想可以唔駛出聲又可以一齊大笑大叫, 呵呵~ 呢班朋友NJ講話一定要珍惜.., 我當然AGREE, 不過.., 其實每一個關係我都希望珍惜的 :) 由於佢地都唔係太好酒精類東西, 我地好多時都係以甜品作尾場, 其實都唔錯, 同佢地食飯唔太駛care食物質素/安排, 佢地都係無乜要求個班, 哈哈, 不過無所謂啦, 食野係配角, 吹水講笑玩先係主菜~~ 呢排因為要讀書所以一個星期總會有兩晚係唔得閒, 反而變得更加珍惜每一晚既時間, 唔..., 黎緊又要諗下星期三五六日點樣玩先!!~

心情麻麻...

今日真係唔知發生咩事.., 個人個心情真係好似麻麻地咁.... 照計應該唔會, 因為上星期其實都過得幾開心, 好充實... 但係今日個人真係唔知點形容, 可能因為今日發現自己好似有少少胃痛... 舊同事認為我係因為有壓力所以會係咁.. 不過我真係唔知點解覺得照計應該係無咁大壓力..., 唔通我處理壓力既能力有咁差咩?? 當然經過星期六晚瘋狂一夜身體可能差左, 睇怕我都真係要認真D關心下自己個身心... 做野方面其實唔係大問題..., 只係今日做完野番黎聽到有一句說話令我個人又再有少少心情麻麻... 其實我今日食Lunch先同同事講完我做得幾開心, 應該仲會繼續做落去, 之後雖然我加番句話不過都唔排除可能三個月後我又唔係咁講... 但係我無諗過係三個鐘後我已經有呢個諗法...會唔會快左少少?? 今晚個感覺麻麻地..., 究竟我自己想點?? 唉, 我都覺得自己煩呀... 好..., 呻完哂, 積極番少少... 今晚仲要做功課, 做完有時間..., Update下自己個資料!!!!! 俾番個 Planning 自己, 一定要跟番個 Planning去做我先會有番個方向!~

充實的生活

呢排D生活真係幾Full, 每一日都好似總會有D野要做咁.. 星期一晚番屋企食飯 星期二晚上堂 星期三晚去玩 星期四晚上堂 星期五晚去玩 星期六晏晝上堂 星期六晚去玩 星期日休息+準備下星期既野 中間夾著一D做下功課, 執捨下既工作.. 好似每一日都有D目的, 無乜時間諗埋D無謂野.. 呢排個人嚮工作上又開心左, 可能都係因為個環境所至, 所以話呢..., 我真係唔可以離開中環呢個地方..., 離開左中環真係覺得自己無咁Pro..., 剩係呢一點都已經填左我心中一點點既虛榮...哈哈..., 我認架...我係有D貪慕虛榮 :) 呢排都係學好D普通話同英文, 不論 listening 同 oral 都係咁話..., 寫方面, 就真係要睇寫proposal 既功力如何啦, 希望練得多都會有D進步啦...暫時覺得各個方面都配合得幾好, 都算叫住順著自己想既野去行.., 黎緊就真係要放番D時間落去$$$身上, 個巿好似越黎越陌生咁, 我已經無理過佢地好耐.., 連信報都無再睇, 開始越黎越 Out, 真係要睇下點樣可以放番多D時間落去... 暫時 so far so good, 希望呢D日子維持耐D..., 我其實唔係太貪心.., 唔駛我煩, 等我開開心心咁我就OK~ 呵呵 (其實咁樣已經好貪心, 哈).. 祝自己好運~~~

融入新環境

新環境?? 我已經覺得唔新啦.. : ) 轉左 Department 其實都未夠一個月, 當中仲要有兩個幾禮拜去左上 Training, 但係已經覺得自己叫做融入左呢個新既地頭... 感覺唔錯, 呢度計埋小弟總共有8位同事+1個老細~ 同其中一個 senior 玩得埋D, 佢話因為佢都係壞人, 所以我地先會咁好傾..., 我地基本上咩話題都傾到, 由玩到做野都OK, 蛇王呢方面大家都有一手 : ) 老細又係唔錯, 不嬲都鐘意D老細係夠雷, 玩得, 有義氣, 會撐自己個隻, 仲要肯教我野, so far 真係幾欣賞佢... 或者講多少少, so far 正式叫做遇過4個老細, 其中3個都好好, 最PK個個.., 真係好PK!!! 真係好鬼難形容...太多仆街野~ 另外有個成日講是非既 Clerical 同事, 希望我唔會俾佢講啦.... 不過另外兩位同事就慘D.., 成日係話題中心... 跟住有另一位正經D既 senior 同事, 正經野最好都係問佢, 答得正路D, 哈哈! 其餘仲有兩位妹妹仔, 一個好一個唔好~ 另外再加兩位師奶, 聽聞又係一個好一個唔好..., 好既我覺得無錯.., 唔好既....well, 我又覺得 so far 無乜野o者~ 總之暫時黎講呢度個環境唔錯, 有野玩有野學, 希望...真係好希望我可以嚮呢個 department 又會留耐D啦 : ) 又希望人工個度, 有得再好D啦... 老細, 睇你表演啦 :)

又開學了~

今年開學, 對我又有番意義, 闊別校園3年, 我又再拾起書包上學去...... 唔明點解Postgrad早D開始, 未到9月就開左學, 感覺怪怪地~ 好耐無上過 Lecture, 全堂都好專心咁聽書 (大約釣左5分鐘魚咁大把, 因為有D位好悶 =_=)~ 雖然D野我都算叫做學過/考過, 不過竟然可以學番D underlying meaning, 都總算覺得自己學到野, 賺左~! 呢一個 course 既幾個主要期望... 1. 識多D國內朋友, 學好D普通話 2. 識多D外國朋友, 學好D英文 3. 識多D banking/finance 界朋友, 擴大個network 4. 學到野 5. 轉工加人工 努力~~!

多哂~!

生日後一個WEEK先有時間寫下野, 都係暫時記低番要多謝既人先... 1. 可能係有史以黎最多人同一時間同我一個慶祝生日, 多謝哂同我一齊上堂既同學仔, 我真係估都估唔到你地會幫我慶祝生日~~ 2. 多謝哂屋企人同我預祝生日 3. 多謝哂同我講過生日快樂既你地 4. 多謝陪我一齊食飯既IESOC&FANS 5. 多謝Gilbert陪我飲野慶祝 6. 多謝陪我食Lunch慶祝既同事 7. 當然唔少得多謝F8同學會既你地啦!~ 舊蜜瓜蛋糕真係好正! 希望唔好漏 : ) 多哂~ Update@3/9: 8. 多謝Peggy and Ko既Tie 9. 多謝Outward bound 朋友既慶祝 多哂 Again! : )

生日快樂!

恭喜哂恭喜哂!! : )

新鮮人??

轉左新Department後, 呢排同D新鮮人同事一齊上堂..... 我望見佢地上堂, 真係好開心咁, 佢地個個都好好學, 上下左右既野都會好想知好想問... 個個都好開心咁上堂... 好開心咁做野... 相反我..., 上都上到悶, 真係好想快快手手打真軍開波做野, 唔好再同我紙上談兵... 有時諗番起..., 3年前既我係咪都係咁?? 3年社會大學既教育係咪已經令我改變左好多?? 無哂剛剛出黎做野個種衝勁?? 真係要諗下駛唔駛俾D refresh 自己.... 但係呢刻..., 快D開波啦....我要跑數欏incentive呀.... : )

終於攪掂左~

CFA Level II Passed!! 下年繼續挑戰 Level III~ 加油加油~

收歛下...

其實一路都發現自己有呢個問題, 不過到左今日又忽然間醒番起要提下自己.. 有時真係覺得自己講既野太多, 反而聽人地講既時間就放少左.. 真係要改變番下~ 近排又發現自己唔係好識點樣去deal with一D新識既同事..., 唔係好知用一個咩態度去同佢地講野..., 有時又唔想太close relationship, 但係太遠又好似太cool咁...而家真係好怕俾左一個唔好既 first impression每一個人, 廢事以後做野無咁順利.... 雖然有人叫過我cool D, 但係感覺上我又唔係呢D人... 其實真係好想問下大家, 夠竟我同你初初識既時候係咩感覺...., 之後識落左又係點既感覺?? 點樣先可以執好D自己俾人地既 first impression 好D呢?? (放心, 我無乜唔開心既, 只係wonder下o者, 多謝關心 ^^)

乜都唔識~

大把野學... 正~ 原來我真係幾鐘意學野~~

新環境

好~面對新事物某程度上自己都幾鐘意~ 而家又要去接受一個全新環境, 大量新既工作~ 爽~~~

想起6年前的入學...

終於收到 HKU Master of Finance 既 Registration documents..... 令我諗番起六年前讀undergrad的時候....

有很多值得懷念既日子..., 又有後悔的事.... 下星期一會迎接一個新工作環境, 面對新既人和事... 好似又係一個新既轉變~ 嗯~~ 抖擻精神, 加油加油... 有信念就一定成功~

軟硬天師 Long Time No See ~~~~

好正好正好正~!!! 好正既一個演唱會~~~ 嘩....真係唔識點形容~ 好彩無錯過呢個Concert! 再講一次!~ 極極極期待07年軟硬Cross達明!

都係專心做野算數...

其他人講乜野我又控制唔到.. 連未接觸過既都係咁樣, 擺明就係9 up..... 真係吹到啤一聲...

「少年股神」遭證監調查

「少年股神」遭證監調查疑無牌替人投資及收佣 　

近年在坊間人氣急升、年僅23歲被譽為「少年股神」的股票投資者楊俊文（Ivan），最近突被證監會調查，據了解，該會已約見部分知情人士，以搜集證據，了解是否有人違法經營股票買賣，而「少年股神」一本原定在書展前推售，教人「炒股」的新書，亦告「胎死腹中」，出版無期。專題組報道　原定為楊俊文出版新書的天窗出版社行政總裁李偉榮證實，Ivan曾在月前向他說明，因有一些法律問題要處理，加上在畢業前覓得新工作，事務繁忙，故新書僅寫了很少內容，就被迫斷稿，因還未到後期的製作階段，故出版社未有損失，而暫時亦未能定出再出版日期，至於是哪些法律問題要處理，對方則無詳細透露。

教「炒股」新書出版無期　

李偉榮表示，出版社早於4月就與楊接觸，邀請他撰寫一本教人投資股票書籍，「少年股神」當時欣然答允，該處女作原定在6月出版，本來還打算安排他在近期舉行的書展舉辦簽名會，與讀者見面。　

記者多次用電話聯絡楊俊文，並留了口信，但對方一直沒有覆電，而楊俊文在7月29日亦缺席樹仁學院，在尖沙咀舉行的一項謝師宴活動。　

證監會發言人表示，該會不會就個別人士有否涉及被調查事宜作出評論。而根據《證券及期貨條例》，任何人士在未持有由證監會發出適當牌照情況下，經營受規管活動，即屬犯法，一經循公訴程序定罪，最高可被監禁七年及罰款港幣500萬元。曾有無牌攬客收佣被控　法律界人士徐沛雄指出，過去曾有人在未持有由證監會發出適當牌照情況下，在網上宣稱自己可助人炒股，並招攬客戶收取佣金，結果被證監會成功檢控。　

他稱，證監會的調查手法，一般是約晤嫌疑人士，要求提供資料，了解事主有否替人「落盤」買賣股票，之後亦會再約晤第三者搜集證據，這個過程可能需要較長時間，但如果有人公開宣稱，可為客戶投資股票，但卻沒有適當牌照，此舉即有可能觸犯法例。

聲稱經手資金約3000萬　

楊俊文早前曾在媒體透露，現時替十多名客戶設計投資組合，經手的資金約有三千萬港元，當中有投資過百萬元的大客戶，也有些客戶只投資幾萬元，他更透露過幫人投資每年可為他帶來數千元佣金，但他並不介意，只希望和朋友一起富起來，便很有滿足感了。　

他又曾在訪問裏說，本港缺乏投資教育，不少人想投資又不懂，故正埋首把自己的投資心得輯錄成書，以講故事形式，向讀者講解何謂投資，又會透露在一些著名投資者身上學到了甚麼，該書的對象是從未投資，或投資多年仍沒有斬獲的散戶。

-------------------------------------------------------------- 少年股神?? 哈... 醒醒定定你今次咪賴野, 如果唔係上左身你呢世都唔駛再入呢行lu...等你收佣收得咁過癮... 祝你好運...

沒有方生孔生, 我的精神餓了...

最主要原因係無左每朝早睇信報既最佳食糧.... 方生及孔生分別去搵佢地既對象, 因此而別去信報, 確實令唔少讀者失去每朝既最佳讀物... 今朝買信報個陣, 好心急想睇下財進才俊版(及後改名了)的半版會係乜.... 可惜...都係已經變哂其他野了.... 希望有日再可以嚮其他地方睇到佢地兩位既文筆, 或者再有其他後浪出現... 信報我仲會支持多一陣, 頂唔順既話, 我都係花多D時間睇番我要睇既書上面lu.... 不過..., 而家欏起份信報, 真係唔知由邊一part起入手... (老曹係好, 不過太長....要慢慢睇先得; 林老先生既就要用腦去睇, 朝早我未ready)

軟硬 Concert

星期三就去睇啦~~~ 超級期待... 外界一致好評~~ 可惜當晚嘉賓係千fa..., 希望唔好太差啦..

不要衝動...

曾經寫左好多好多而家要面對既人既野... 但係諗清楚都係唔好 Post 出黎啦... (不過我Save左做草稿, 不時可以remind番自己!) 嚮呢個社會..., 真係要學識保護自己多D, 防範別人多D先得.... 呢度的確令我學到之前幾份工都學唔到既野!

終於 Confirm 啦...

7/8 我會嚮番中環番工!! (應該唔會再有咩意外啦掛....我受唔住刺激架啦!)

2006年7月16日 上海3日2夜之旅 Day 3

2006年7月16日 上海3日2夜之旅 Day 3 今日訓晏番少少, 因為琴晚飲得夜得滯既關係啦..., 本身諗住約埋肥仔去食早餐既, 點知佢地搞晏左少少, 我地又鬼咁肚餓, 於是我地就落左酒店餐廳係咁易咬少少野先再出發, 首先 check out左先, 同個senior d既 receiption係咁小佢地個 trainee, 我地放埋D行理嚮一邊之後就出發去番百盛百貨等肥仔~ 肥仔遲左少少, 我地嚮麥記等佢, 之後我地就去左食振鼎雞, 原來係上海好出名既小店, 好多上海人都食, 最主要都係賣雞, 雞粥, 麵, 原隻, 雞腳等等, 仲有內臟個D全部都有, 我地係咁易叫左少少試下, 都幾好味, 幾多風味咁啦, 不過其實就麻麻地特別o者.... 行下行下又經過豐裕生煎, 我地食埋D生煎飽, 熱辣辣嚮街邊食, 可能因為夠熱既關係, 所以都幾好味..., 食埋之後我地就繼續出發去搵鐵皮玩具屋買手信~~ 可惜我地開頭行錯路, 仲以為佢執左, 幾驚.., 不過途中經過一間買D甜品既, 叫 "上海哈爾濱食品店" (無錯, 又上海又哈爾濱), 我地係咁易執少少番去俾同事食下咁啦..., 之後又繼續搵鐵皮玩具屋~ 原來我地行錯左方向, 後尾發現左掉頭行, 終於去到啦~~~~ 入面好Q好Q多玩具, 個店主都好好人, 俾我地欏哂落黎玩, 有D正既又介紹俾我地, 我同駿駿都各自揀到手信買番去送俾人, 之後我地都仲留左一陣嚮度玩其他, 有隻母雞生蛋既又好正, 飛機又好正, 好多都好正~~ 我地仲同店主一齊影左相, 欏埋佢咭片, 等我地番到香港都可以上網搵番黎睇~! 玩完鐵皮玩具屋, 買完手信, 整個行程都差唔多, 我地坐的士諗住番番酒店欏埋D行理就準備食少少野閃, 點知坐的士都有特別野發生, 我地親歷一宗交通意外呀, 我地架的士炒左落一架轉緊彎既的士度, 攪到我地要落車再轉過另一架車番酒店, 仲要原來路程超近..., 不過算啦, 反正我地唔識路... 欏埋行埋, 我地坐的士去番南京步行街, 其中駿駿同胡炳又買左少少snack做手信, 不過我就無買啦..., 係咁易影左一兩張相, 就過番浦東個邊正大廣場既小南國hea食野同休息下, 我地晏去到(差唔多兩點啦), 食到成四點幾, 最主要都係不停咁傾計+講笑+食野+飲水, 哈..., 總結下行程之餘又relax下, 非常唔錯... 食埋野我地就坐地鐵再轉去坐磁浮列車去機場走啦, 架磁浮又真係幾快, 7分鐘到機場, 相比我地落TOWN化左個幾鐘真係唔錯, 睇住佢慢慢加速到430-431km, 個感覺都唔錯, 我仲拍埋套片添, 哈哈... 由於鬼咁快就到左機場, 我地又將坐個班機調早左, 好成功地又可以唔駛坐嚮度白等, 我地去duty free買埋最緊要個D野, 嘿嘿...., 之後就上機lu... 不過今晚港龍機唔知仲乜..., 竟然D set dinner無剩? 唔夠同一款派, 又有另一款係辣既, 少人要D, 但仲要派哂, 攪到胡炳想話食多個都竟然話無...真係有點兒那個..., 呢D程況應該唔會出現嚮國泰機度.... 坐左兩個靚鐘, 番到香港lu..., 胡炳戰戰競競出閘之後, 我地就坐番A22番屋企lu.... 整個行程就係咁野~~! 今次既遊記都寫得幾詳細, 哈!!! --------- PS: 成個旅程麻煩哂肥仔既安排同策劃仲有解釋~ 感謝感謝

2006年7月15日 上海3日2夜之旅 Day 2

2006年7月15日 上海3日2夜之旅 Day 2 照舊八點咁上下起身, 梳洗埋就落去食酒店個自助早餐..., 落到去...頂, 無乜冷氣, 野食又少, 不過算啦, 咁既酒店咁既餐廳都預左會係頹架啦...係咁易飲杯橙汁整件多士食隻蛋加少少野就走, 準備我地今日既旅程... 我地坐的士去上海旅游集散中心, 等埋肥仔, 就買package (RMB80@)去朱家角觀光, 原來當地D人都幾勁, 成個鐘既車程照企住逼住上去, 我地呢D hea精當然等到有位坐先上, 終於上到車坐定定我地就開波....訓...~~ 哈哈, 一上車就訓..., 可能大家都唔夠訓既關係啦~ 大約坐一個鐘多少少啦, 就到達目的地, 朱家角係上海其中一個水鄉, 都係睇D小橋流水個D啦, 當中都不乏唔少展館同風景睇既, D風景又真係幾靚既咁, 我地都係係咁易又影下相, 觀光下咁囉, 個套package好似有十幾個景點包左入場費架, 我自己就去哂咁多個, 雖然都係走馬看花, 但係總算叫做完成一個任務啦, 哈哈..其實我地都影左嚮多相, hea 影又有, 團體又有, 行到咁上下我地仲去左坐船仔嚮條河度遊覽下, 都係吹下風影下相無聊下咁囉, 旅行團就咁上下啦~ 行哂朱家角我地係咁易食少少野就坐番車番巿區啦, 當然唔少得又係訓啦~~~番到Town我地去左坐地鐵, 好似去到陜西路站就落車~我地之後嚮百盛百貨都行左陣街, 叫做過下冷河漢下冷氣咁囉, 當然唔少得去睇下我地至愛既酒~~~啦, 哈~ 其實都係類似吉之島個類咁... 行完商場, 之後就行左一條漫長既路程 (我地懷疑俾肥仔昆) 就去到一間好有特色既餐廳, 叫"螢七人間", 呢間野係一系列日本人設計既餐廳其中一間, 主要都係sell concept, sell 新派~ 佢個門口已經好特別, 無招牌, 只有射燈射落地下有個logo, 行完stair上去, 又有機關, 要玩個九宮格既迷語先開到門, 開錯左門仲會有 "gotcha" 俾黎睇黎串下你, 勁搞野..~ 千辛萬苦終於開到門, 間餐廳原來有分飲野同食野, 黑媽媽咁既, 好特別, 上到3樓又會望到出面, 總之個FEEL就好正, 我地叫野食啦, 當然有叫酒飲, 我地飲啤酒, 點知佢個啤酒杯都特別過人(遲D貼相), 隻碟上面又會有D字俾你估番一句成語, 我地剩係玩呢D都覺得特別!! 仲有就係連佢個toilet都特別過人, 有機關先去到(而家都係唔好講係乜lu), 唔識玩既就...呵呵呵~ 呢間餐廳D野食都唔錯, 我地又試一間特色野~~ 食埋飯我地坐的士去新天地, 上去個商場係咁易行個圈, 無乜特別就落番出面D BAR飲野, 揀番間有 chaser feel 既, 叫做老第坊, 可惜都無個陣個感覺啦..., 不過都終於見識到上海有番D質素既女仔, 新天地呢區果然係好D!!! 嚮老第坊飲完野, 四圍行左一陣我地就番酒店lu, 番到上去先發現無水飲, 結果就落去買左個杯麵食, 哈~~~食飽沖埋涼就訓, 準備第三日即係最後一日既旅程lu....

2006年7月14日 上海3日2夜之旅 Day 1

2006年7月14日 上海3日2夜之旅 Day 1 旅程今日開始, 晨咁早起身check一check無漏野就即刻出發, 落去APM隔離買左個腸粉同麥精食, 等埋胡炳就坐A22去機場~ 到左機場拿拿臨check in confirm左係咪坐10:00機飛, 好彩琴晚confirm左, 因為原來架機都幾爆, 成功check-in (當然唔多唔少串下駿駿點解我可以調早一班機啦, 哈), 之後我地就再去左大家樂坐低飲杯野食少少野~ 坐低食野吹水又睇下有咩行程之後就過去坐無人架駛等入閘上機, 成程機其實都無乜特別, 都係食下飛機餐, 睇下報紙, 食下 Haagen Das 雪糕咁, 到落機之前就搞笑, 大家未停機就開定電話, 個個都有SMS收到所以嚮機, 我就較左震機所以無出聲, 但係胡炳就嚮到鬼咁大聲, 俾個空姐埋黎串佢話而家仲未開得電話.., 勁樣衰, 俾人串完之後仲要即刻停左機..., 真係笑鬼死, 哈~ 落左機, 出埋閘, 就出去坐5號巴士直出人民廣場, 緣途基本上都係訓下覺咁, 風景其實都無乜點睇, 到左人民廣場再轉的士我地就到左落腳既華美國際酒店... 間酒店..., OK啦, 預左唔會話特別靚, 但係點不知個reception trainee 就真係勁頹, 講野細聲又快, 完全唔理會我地係遊客, 而且D野又唔熟, 我地明明俾哂錢都仲要我地俾多次黎做 deposit, 屈左我地 $1500 cash, 真係頂佢... 番到房我地settle一陣就同左肥仔會合啦, 執一執行裝就正式出發~ 我地嚮酒店一路行, 經過上海老街, 想食豆腐花但係無涷既, 結果無食, 慢慢行過D橫街少巷就到左第一個景點--豫園~ 我地都係四圍行下影下相, 但主要我地都係頹頹地影, 哈, 我估我地都係因為慣左食多過睇景...我地仲係咁話, 呢D相, download 落黎就ok啦, 哈哈... 之後過左去南翔饅頭店食小籠包, 我地上一樓食, 原來佢越高食就越貴, 我地1/F食, 叫做麻麻地咁啦, 都好過地下欏住個外賣兜咁食既, 熱辣辣.... 及後我地過埋去城隍廟, 參觀之餘又拜下神咁囉, 都叫做有影下相, 再行下豫園四周圍, 我地就望開豫園準備過外灘觀光~ 點知想步行過去既時候佢落起雨上黎, 結果我地又兜多個圈, 之後先再行過去, 外灘我地都影左唔少相, 不過可能唔係夜晚啦, 我硬係覺得同維港無得比..., 香港靚好多, 再加上始終香港D文化同教育水平係高D, 上海想追香港?? 仲有一段好漫長既路~~, 哈! 行完外灘, 我地又行埋南京步行街, 上左uniqlo 買野, 駿駿上到黎上海竟然係買左兩pack襪, 之後又去左書城, 叫做嘆下冷氣抖一抖咁囉~ 之後諗住坐的士去食飯啦, 嘩, 頂佢....行左半粒鐘有多都截唔到的士, 結果搵到架貨VAN車我地去, 仲好, 平DD添~ 我地去左瑞金賓館既錦怡軒食飯, 原來個度個大廚係專整點心出名, 我地由肥偉發辦, 叫左好幾點特色小菜, 當然唔少得出名既花生穌同合桃穌, 味道好好, 我地影下相, 行下抖下, 食完飯就離開~ 我地再CALL番頭先架貨VAN, 車左我地去浦東既金茂君悅, 又係係咁易影下相啦, 影下東方肥珠塔, 就上左金茂87樓既酒吧, 九重天酒吧飲野~~~ 入面都幾 grand, 個VIEW亦都非常非常之正, 嚮全世界最高既酒吧飲野, 個感覺真係唔錯, 呢度每人有$120+15% 既 minimum charge, 但係我地每人都飲兩杯, 話咁快就到啦, 哈~ D野飲都幾特別, 我仲影左D cocktail 既 menu, 番到香港就學下點知...哈! 呢間野特別在有風水師同魔術師嚮度, 我估都係服侍D老外啦, 我地就唔會嚮度搵佢地黎玩!~ 可能今日大家都比較累, 飲野傾計到11點靚鐘就走, 因為我地都好早到, 其實都坐左好耐~ 結果就落番去坐的士番酒店沖涼訓覺準備第二日行程!

2006年7月13日 上海3日2夜之旅 Day 0

2006年7月13日 上海3日2夜之旅 Day 0 本身我地Book左聽日早上11:00正港龍航空前往上海遊玩兼探親~ 點不知駿駿夜晚先收到通知話班機Delay左11:50分先起飛... 我地即刻安排諗住改早班機, 因為太遲出發過到上海就會晏左, 唔係咁好.. 駿駿即刻打去港龍CS問, CS覆佢話只能夠當日早D到機場, 有位先有得check in. 我條氣唔順於是又打去問一次, 結果今次有個嬸嬸(把聲似, 但係唔知係咪), 佢又好好人咁幫我改哂D information落10:00班機度, 可以早少少過到去, 唔怕waste左D無謂時間! 攪埋機票我先開始執野, 係咁易執左少少放哂落個袋度 (我無拖喼), 就走去訓覺lu....(拗底起唔到身嘛)...

上海3日2夜之旅 (重點回顧)

2006-07-13 Day 0 航班延遲，改早航班成功 2006-07-14 Day 1 - 晨咁早起身出發 - 腸粉 + 麥精做早餐 - A22 - Check-in, 大家樂早餐 - 上機 - 飛機餐 - Haagen Das - 胡炳俾空姐串 - 落機 - 坐巴士落人民廣場再轉的士到酒店 - 屈我地$1500 Deposit, cheap trainee - 同肥仔會合 - 豫園 - 小籠包 - 城堭廟, 行街睇野(乜都無買) - 外灘觀光, 拍照, 談論上海與香港的競爭和比較 - 南京步行街 - 等的士 - 瑞金賓金 - 金茂君悅 - 九重天 - 番酒店訓覺 2006-07-15 Day 2 - 酒店早餐 (勁少野食) - 上海旅游集散中心 - 朱家角 - 全景點 - 坐船 - 走 - 百盛百貨 - 螢七人間 - 新天地 - 老第坊飲野 - 夜遊 - 宵夜 - 訓 2006-07-16 Day 3 - 頹早餐@酒店 - checkout - 振鼎雞 - 豐裕生煎飽 - 鐵皮玩具屋 - 坐的士炒車 - 酒店 - 南京步行街手信 - 小南國hea食+休息 - 磁浮列車 - 上機, 又改早左 - 抵港 - 玩完!

你快樂嗎??

快樂指數港遜越南內地 【東方日報專訊】全球快樂指數排名顯示，在一百七十八個國家或地區中，太平洋一個人口不足廿五萬的島嶼國瓦努阿圖位列榜首，是最快樂的國家。亞洲國家或地區中以越南排名最高，排第十二，內地排卅一，香港則排八十八。報告認為，人民快樂與否視乎國家有否尊重生態環境，與國家貧富無關。本港學者認為，香港受空氣污染影響，加上家庭與社區關係日差，港人不算快樂。 英國新經濟智庫NEF以人民生活滿意度、壽命及生態環境破壞程度，計算全球一百七十八個國家或地區的快樂指數。 瓦努阿圖居首 關係友善 排榜首的瓦努阿圖，人民壽命為六十八點六歲，但人民生活滿意度高達七點四分，其生態環境破壞程度僅一點一分，整體快樂指數高達六十八點二分；而排名最末是津巴布韋，快樂指數只有十六點六分。 瓦努阿圖當地傳媒認為，當地人民感到快樂，是因為他們並非消費導向的社會，很容易便心滿意足。人民生活在乎社區、家人和友善，不用煩惱太多，唯一憂慮是龍捲風或地震；瓦努阿圖人口少於廿五萬，極少生態環境遭破壞，人民合理地長壽及有很高的生活滿意度，可能與海岸線未受破壞及獨有雨林有關。 報告又顯示，國家富裕不等於人民快樂，八大工業國的人民均不太快樂，其中意大利的快樂指數在八大工業國中排名最高，排六十六，其次德國排名第八十一，日本排第九十五，近年因石油而暴富的俄羅斯則排名一百七十二。 亞洲國家或地區中，越南排名最高，排第十二，快樂指數達六十一點二；中國排名第卅一；香港排名第八十八，港人壽命為八十一點六歲，生活滿意度為六點六分，但生態環境破壞度達四點六分，快樂指數為四十二點九分，高於排名第一百卅一的新加坡。 生態破壞 抵銷物質快樂 報告認為，人民快樂與否跟國家是否成功無關，一些富有國家因生態環境受侵害，已抵銷任何物質上的快樂，但受貧困及疾病困擾的國家，人民生活滿意度亦相對較低，主要視乎國家有否尊重生態環境，為人民提供一個好的生活環境有關。 中大社會工作系助理授黃洪認為，港人生活屬高水平，但空氣污染嚴重，加上家庭與社區關係日差，港人生活是「有壓力、未解決」，故不算快樂。 ---------------------------------------------------------- so far 我自己黎講...., 只能夠話...暫時無乜唔開心野囉.... 開唔開心?? Okay 啦....哈~

感覺良好...

原來..., 我遇到一大堆我完全唔識, 或者識D唔識D既野嚮面前, 而又知道我黎緊要去學, 要去識, 甚至要去 master 佢.., 個感覺係咁興奮..! 好耐無試過呢種感覺..., 轉換下環境真係絕對無做錯... 先唔論我咁樣繼續做落去個$途有無其他途徑咁好, 但係學既野就一定有好多~~~ 感覺唔錯~~期待真正轉過去新 Dept 既一日!!

世界盃曲終人散~

施丹失控後的結果.... ---------------- 意大利贏得冠軍 ------------------------ 決賽終於都俾我估中番一次..., 之前Tip幾隊都係輸鬼左... 意大利好波!!!!! 簡拿華奴好波!!!!! 希望黎緊無波睇既呢一個月唔會太失落啦...~~ 不過屋企仍然 full of 零食&啤酒汽水~

幾時到我地....

匯豐九月增服務時間加人手 2006年7月6日 匯豐銀行9月起實施5天工作制，但部分分行服務時間每周增至七天，預料其他銀行會跟隨。 雖然匯豐銀行將實施五天工作制，但屬下114間分行，星期六將繼續營業，其中50間分行的服務時間將延長至下午4時半，但不會接受支票、自動轉賬和跨行轉賑服務，另外10間分行於星期日提供財富管理服務，營業時間由下午12時半廷至4時半，多集中在港島區，但不設櫃位服務。另外，由9月8日起，全線分行除離島外，服務時間由四時半廷至五時。 匯豐銀行發言人指出，為應付延長工作時間，需要增聘400名員工。 中銀香港表示，他們會考慮是否跟隨，若然跟隨，便要增加人手。恆生銀行副董事長柯清輝表示，延長分行服務時間成本一定會增加，不希望倉卒決定如何調整服務。廖創興銀行高級經理張南中說，中小型銀行跟隨調整服務機會很大。

是非之地...

令我想起劉德華及鄭秀文的 <孤男寡女>... 最慘係一件事傳出後會加鹽加醋, 將之醜化... 你老闆, 咁大個人咁既職位你仲要黎呢一套去攪個o靚, 我真係欣賞你... 剩係記得天下人負你, 你負天下人既就將佢忘記得一乾二淨.... 枉出面D人個個覺得你係好好先生, 你真係披著羊皮既豺狼呀! 請容許我講一句, 頂你個肺!

太Sad!?

呢排講黎講去D野都好似係 sad sad地咁...真係唔sad都攪到sad哂.. 係時候搵/諗番D開心D既野... 話說呢排個人好似settle down左DD之後, 真係好鬼好鬼好鬼死想去玩/學下其他野... 朋友仔們, 近排有咩玩麻煩大家預埋我, 忽然間覺得我D生活真係太枯燥, 係時候欏D顏色筆整番多少少色彩~~~ 希望遲D可以嚮中環番番工之後, 夜晚會多番少少世藝.... 如果唔係個人真係會老得好快... 我已經覺得自己好老..., 要快D玩番下先得!!! 仲有就係, 開始要搵番多D朋友仔食下飯飲下野, 保持番聯絡~ 否則我就會無哂D friend 底....哈 好, 努力!~

終於開左口...

經過多方面既諮詢, 今日終於同左現任老闆講我會轉Dept. 其實apply係好耐之前既事 (都已經成兩個WEEK), 但係到今日我Confirm左我D野過到HR度先同佢講, 某程度上佢都會覺得我唔係咁俾面佢.., 因為攪到佢差唔多係最後一個先知.. 但係我又有咩辦法?? 邊個叫你之前唔幫我手搞轉Dept, 我真係覺得你唔怪得我, 我梗係等我條後路Plan好哂先知會你啦, 話哂又唔係識左好耐, 你又俾唔到種感覺我你係會幫我諗..., 你估我唔驚你會叉隻手出黎阻住我做野咩?? 我都要為我自己著想下架嘛... 可惜啦, 我相信你都未必相信我可以嚮咁短時間搭通哂各條路~ 等你仲話我建立關係要改善?? 話哂呢樣係我自己幾 proud of 既野, 我好想話俾你知我唔係剩係得呢一條路添呀, 我仲有多一條後路.., 你睇下你令到我幾咁唔鐘意留嚮度?? 雖然都未必可以怪哂你, 始終都係呢個Dept既nature令到我要走既, 不過你既supportive既程度都係其中一個幾重要既 Factor.... 到我今日同你講既時候, 你都仲要話點解點解, 當然我都好明白你站在既立場唔可以太負面, 但係我都覺得你太唔了解我啦掛?? 我真係爭在未白紙黑字寫出黎o者, 同你講都講過起碼兩次啦..., 邊個叫你乜野表示都無.. 等埋星期一就可以 Confirm 係咪走得, 轉到過去會係一個新開始, 希望可以操到自己勤力番D啦, 呢三年..., 我真係太懶太懶了.... 多謝幫過我既人, 不過, at this moment 我仲有D野收埋緊.....且看故事發展如何...

Commitment

AT LEAST one-year time!

西班牙輸了

今年世界盃特別鐘意西班牙, 雖然隊波擺明係無冠軍相, 托利斯當然係其中之一個因素, 但係最主要係覺得隊波中前場真係好多天才橫溢既球員.... 可惜.., 最終嚮16強不敵法國出局... 不再評論超前那球是否錯判, 輸了便是輸了, 不要再抵賴, 但是來屆不輪歐國杯還是世界盃, 我還會對西班牙有一定的情意結... ( 或者因為英格蘭已沒有驚喜和新鮮感了 ).... 托利斯, 韋拿, 法比加斯, 祈待你地再放異彩~ 我會繼續支持～

阻力..

呢排身邊其實都發生左幾多野, 係幾多需要用個腦去分析再去諗既野..., 有關於呢個Market, 又有D係關於自己... 但係唔知點解嚮寫寫下既時候, 臨尾都擱置左.. 有時係因為覺得自己寫出黎既野太白痴, 唔敢POST出黎.. 又或者係覺得自己寫既野可能太片面, 分析得唔夠詳細.. 又或者有D直頭係唔出得街....所以寫左, 知左, 發洩左又由得佢算數... 我甚至係俾個藉口自己賴落世界盃度.., 因為世界盃令自己夜晚既時間唔夠用... 唉..., 真係越黎越覺得自己識得俾excuse自己..., 實在...實在實在一定要戒左佢... 1., 寫左出黎既野就算唔post都要save起佢先 2., 就係因為唔夠全面所以先要練 3., 唔出得街既....., 就....再諗辦法啦! 好..., 努力~

疫區...

公司呢期好多人病, 變左一個疫區... 而我....嚮琴日開始都成為病患者之一.... 琴日晏晝開始覺得頭痛, 晏晝番左屋企抖, 訓左成日, 夜晚個人仲要沾寒沾涷, 開住冷氣訓但係成身出冷汗...好鬼辛苦.. 結果波都無睇就訓左, 今朝訓醒好似好左D, 但係就開始腸胃唔舒服.. 次次都係咁樣..., 唉~~ 病真係好鬼辛苦....

學以致用

當你發現你自己學過既野係有用, 而且又用得著嚮工作之上..., 個感覺真係唔錯... 但係當你發現你學既野嚮工作上極少用到...., 個感覺真係好差... 我究竟係嚮邊個 Stage 呢....

IESOCnFans 聚會

說是 IESoc and Fans 的聚會, 不如說是我, Yvonne 我 NJ 考完試後的聚會, 因為呢個先係我今次約食飯既出發點... 其實一個WEEK有多之前已經約定係15/6 的, 不過我到前一日先打電話去 confirm (懶的關係), 結果就變左有好幾位朋友仔都黎唔到....唔緊要啦, 下次我會早少少約 : ) 當日中午打電話去訂位, 先後打過魚一丁, CPK及Dan Ryan, 竟然不約而同地無位!!! 太可惡, 香港經濟咁好咩? 星期四都玩 Full Booking?? 結果又去番我覺得其實都唔錯既 Our Wonderland 食, 一行7人我地order左一個6人餐, 味道算唔錯, 不過奇怪左飲哂湯之後先上包包....有點兒錯左次序囉... 及後個甜品其實唔錯, 有雪糕有芭芙, 可惜當日大家都無帶相機, 環境又相對比較暗(其實是不錯的), 結果就無影低相~ 席間我地傾左好多計, 講下邊個結婚, 講下以前上堂抄功課D野, 竟然傾傾下背番哂中五Chem入面頭20種元素出黎 (真係撞鬼=_=), 又講下 convolution 上左幾多個 course, 講下走堂, 講下邊D professor正PK, 傾傾下, 唔覺唔覺又差唔多11點~ 離開餐廳同Yvonne&NJ步行番旺角, 我就坐小巴番屋企睇英格蘭對千里達, 時間剛剛好~ 最終賽果英格蘭少勝2:0, 其實打得麻麻, 不過可能真係未上力啦, Anyway, 我都係鐘意西班牙多少少, 哈 : )

Ricoh...

已經係第三個 Manager 叫我番去做啦... 我又一次 Reject 左佢... 其實諗諗下, 我嚮 Ricoh 個年半原來係暫時做野黎講算係幾開心.., 起碼有個 supportive 既老細, 同埋D同事又幾好傾咁... 可惜啦, 我自己始終叫做有D夢想/理想.., 正所謂 "一個人無夢想, 同條咸魚有咩分別" ... 希望我呢個決定係正確啦, 雖然放棄既野都幾多. 多謝 Dickson, Frankie 同阿Choi 既 Invitation..

世界盃月

黎緊一個月既時間都可謂非常充實, 差唔多日日都會有波睇, 我呢個球迷當然盡可能唔錯過每一場賽事~ (其實我連法國網球泥地賽我都有追, 拿度真係勁到呢......) 上星期六係世界盃第二日賽事, 我地F8總動員食完6月飯聚之後就上左黎我度睇波打機兼打牌.. 早兩日我都好激動咁去左百佳掃貨, 預備定我地呢個世界盃月既糧草, 總共買左五百幾蚊野, 計埋星期六幾十蚊, 成六百幾蚊零食連飲品, 好彩有送貨服務, 如果唔係都幾甘.... 講真當日D波就麻麻地精采啦, 第二場我地睇左一半都無, 第三場就勁眼訓咁睇 (場波悶其一, 個人眼訓其二), 但係最開心都係玩 winning 既時間, 絕對精采過睇波, 哈哈, 勁激動... 結果玩到五點幾先訓..., 不過真係發現而家極之唔挨得夜..., 以前通頂打機做 project 閒閒地做到朝頭早都毫無問題, 但係而家真係玩夜D個人都覺得好殘... 爆瘡不突止, 個人手手腳腳又好似痛痛地咁, 又唔夠精神咁..., 攪到成個道友咁...真係大檸樂... 世界盃7月10日先完..., 呢個月入面見到我沒精打采咁唔駛咁擔心, 多數都係因為睇波攪到咁樣樣...哈~

低Q能..

都唔知你條友咩心態..., 講到明哂個客係要A同B, 擺到明我地可以Offer到A同B俾個客, 又解釋左俾你知你如果唔係俾A同B個客既話個客會A同B都唔要... 你係都要欏你個C同D出黎 present 俾個客, 結果攪到個客勁唔開心, 嚮度嘈喧巴閉.... 佢梗係唔會嘈你啦, 你老細嘛, 咁咪嘈左落我度囉..!!! 好彩我同個客o岩咀形sa哂lum..., 不過都唔知單生意搵唔搵得番番黎... 我事前做左鬼死咁多功夫俾你一獲過叉喎哂..., 真係頂你... 你少左一個半個客可能覺得無所謂, 但係我一個半個都唔可以少架!!! 根本上都唔係為左解決問題, 只係識得制造梗多問題俾我...., 唔係個個客都受你個套架, 你都要understand唔同情況唔同situation架..! 仲嚮度扮哂野話經驗多..., 我頂!

2778

終於有時間寫下 2778 既感想... 其實繼上次彤叔一招 posion pill + posion put 攪掂 TCL, 一直都覺得D二線地產佬真係好鬼有計, 17號仔如是, 41 亦如是... 今日信報亦有報導, 標題為 "鷹君拆冠君 負債比率降至22%", 文內劈頭就話 "鷹君摸頂分拆冠君產業信託上巿, 錄得特殊收益103億, d/a ratio 由 58% 減至 22%" ... 真係勁, 嚮呢個咁適當既時間crave out, 搵番一畢還債, 上巿至今2778都未試過浮番上水面, 簡直達到哂管理層既目的... 仲記得佢嚮第一日上巿時嚮港交所飲香檳笑哂咁影相D人仲話點解跌都咁開心..., 根本佢就係由心度笑出黎, 分分鐘唔跌反升, 佢仲覺得自己蝕左...~ 2778 出左黎之後, 41 真係反而仲吸引左.... 不過...始終鐘情另一隻收租股多D~ 有時間再研究下佢......

懶...

睇完soso個 Blog, 對比左佢剛剛番而家份工, 同埋而家既心情..., 某程度上原來我地都面對到同一樣野... 或者大家都係一樣, 對一份新工都係充滿熱誠, 滿腦子都係諗住點樣可以做得好D, 放幾多時間心血落去, 希望做到D成績出黎.. 但係越做得耐, 就會發現入面並唔係你所想咁好, 抄錄soso's blog既一句 "太多野做,太少回報,升職無望,加薪泡湯,冇人賞識,日日捱罵,系統無能,人事腐敗," 雖然唔係全部同意, 但係有幾樣野都幾中 point... 係我太無耐性?? 定還是我太過自我... 做而家呢度既客就還好, 做 Staff?? 你發夢... 考完試反而心情麻麻..? 我都唔知自己點解會咁衰格..., 可能真係D問題逼到埋身... 到真係要面對既時候, 唔容許我再放埋另一面.. 呢排諗野又開始負面番? 唉~~ 出面快D動土完畢啦, 心情真係麻麻....

大戰過後....

有點兒反而多左野煩既感覺... 可能之前俾我用黎做逃避既藉口已經無左, 眼前既種種問題都要去面對番... 唉唉...都係逐樣逐樣比D心機黎做啦... 不過希望快D出 Result 啦..., 有D野要 Pend 到出 Result 先可以 Action..... 加油加油.....

抗戰完畢!

希望抗戰成功~ 7月尾有 Result, 期待期待!~ 多謝各方好友對我呢幾個月既包容~~ 係時候搵番D朋友仔食下飯~~

頂唔浦...

試都未考, 書又未溫哂, Practice exam又未做哂... 但係實在頂唔浦, 真係好想出去玩... 而家一路 Pending 既野真係有好多好多... 1. 搵工 2. 睇舖 3. 睇樓 4. 睇巿 5. 買野 6. 打 Winning 既 Master League 7. 執屋 8. 洗野 9. 等裝修 10. 學外語

真係越窮越見鬼...

越頹越無計.... 似乎犯太歲既影響仲未過咁..., 真係小人當道! 呢個五月...真係 Bad Lucks.....

最後衝刺

距離 CFA 既 Examination 仲有大約半個月, 祝我自己, 同埋咁多位我知會一齊考既朋友仔全部勁過!! 向住 70%+ Correct 努力~

好辛苦...

真係好辛苦.... 考完試我一定要好好去玩下, 醉下..... 真係好好好辛苦.... 唉!~

鯉魚門飯局~

席間笑話連篇, 多謝阿歷屎~

新玩具~

Nokia 6280, 幾好玩! 有得影相, 有得拍短片~ 有得聽MP3, 有得聽收音機~ 有得打機, 有得裝 Software~ 最主要..., 仲有得打出打入! (頂, 打出打入先好似係電話既功能...) 而家D電話..., 越黎越似玩具...

復活節~~

14/4 - 大O大陸之旅~ 飲個茶, 黎個按摩, 再加個腳底, 及後食埋海鮮, 真係一絕, 非常梳呼, 精采在原來而家羅湖多左間大快活, 攪到我地搵唔到兩位團友再加上佢地無漫遊失去聯絡..., 驚左我地一日~ 15/4 - 16/4 - 與FSA同在~ 溫左兩日書, 頂唔順15/4晚出左去飲野, 係咁嚮度呻...結果都係無俾自己醉, 好就好在都HIGH HIGH地~ 17/4 - 睇魚岩尖~ 同左肥偉佢地行山, 今次超激, 又要爬又要"線", 勁激動, 都係第一次係咁, 手又損哂, 面同手又紅哂~~ 不過真係FEEL到自己體能極差....考埋試點都要操一操...咁落去唔係計 聽日就要番工...頂 =_=

投資心理學~

轉載自 08-04-2006 <經濟日報>

決策者（投資者）在面對風險時作出的選擇，太依賴其框架（賺蝕）及參考點（如股份買入價）。 當選擇涉及損失，他們會勇於進取而承擔風險，以圖減低損失；當選擇涉及盈利，決策者規避風險，以圖保持盈利。　

例子： 　　假設你已賺了300元，你會如何選擇以下的賭局？ 　　⑴：肯定賺100元；或 　　⑵：一半機會賺200元，一半機會賺不到錢。 　　　　有實證顯示大部分選「必賺」的賭局1。 　　　　再假設你已賺了500元，你又如何選擇？

　　⑶：肯定輸100元；或 　　⑷：一半機會輸200元，一半機會不用輸。 　　實證顯示，大部分人取4而捨3。賭局1和3都令決策者有400元，賭局2和4分別各有一半機會獲得300元及500元，理智者前後的選擇應該一致。但若以盈利或損失作為結果框架，其選擇便不一樣，而出現矛盾。

展望理論 　　這套「要必賺博唔駛輸」看法被稱為「展望理論」，當中包括3個效應，其中的反射效應表示投資者處理盈利及損失的取態不一樣，對盈利規避風險，對損失喜好風險。若以同樣的心理買股票，容易造成「賺錢快快沽、蝕錢寧死守」的現象，長綫而言會引致淨損失。

閉關! 修鍊!

希望唔會冷落左呢度....

鹿鳴春~

今晚又係IESOC&FANS飯聚之夜, 話說近排小弟食得多西式野, 今日特別揀番間中菜黎食, 諗諗下而佢地又唔想打邊爐之後, 決定去鹿鳴春食~ 好彩佢地大部份人都未試過, 咁都叫做介紹俾佢地試下, 我同NJ 7:45左右去到等位, 結果大約8:15先有得坐 (其實我係BOOK左8:30), 可惜今晚主角R小姐要到差唔多9點先到, 大家都餓著黎等, 成碟花生轉眼掃清!!~ 今次結果又係我發板, 唔知點解今日好似好多野想叫黎食, 又唔記得佢D野其實都OK大碟.., 結果叫多左少少...~ 1. 炸銀絲卷 2. 鍋貼 3. 火腿津白 4. 賽磅蟹 5. 蔥爆牛肉 6. 雞絲粉皮 7. 砂煱雞鮑翅 8. 北京填鴨 9. 拔絲蘋果 雞鮑翅同北京填鴨真係必叫之選, 絕對係好味, 而且亦係呢度最出名既野.., 不過我地真係食得豪左, 其實開頭都唔諗住會叫翅...($580 細盅), 不過大家都話無乜所謂~ 結果就豁左出去, 哈~ 最尾當然都係唔係好食得哂, 但係個翅同鴨好彩都清哂~~ 基本上都好滿意呢一餐, 不過叫少一至兩碟可能會更好~ 哈哈~ 因為真係好飽!~ Anyway呢餐係for R小姐既, 生日快樂!~ PS: 我都知道呢餐可能貴左少少, 希望初次參加我地定期聚會既A先生同I小姐唔好介意 : )

Sales 心態...

發現而家個人無左以前個種Sales既心態.... 攪到有時真係諗緊係咪想做Sales... 嚮呢度實在有D無癮..., 做又卅六唔做又卅六... 客觀因素又令到有D人特別易有好成績.., 相反我個D真係R到石頭都出血都無野番... 想cher, 都無機會俾你cher.... 呢度呢一種既生活..., 我真係唔知可以挨多幾耐... 究竟呢一度真係唔太適合我~定係我真係唔夠耐性, 又或者係我太demanding啦... 我既其中一個全年計劃 (今年內唔轉工), 唔知會唔會實行唔到....

實在好想去玩....

唔係好想溫書....~~ 好大壓力~~ 久唔久又會諗起都唔知讀黎做乜~~ 唉唉~~ 好, 呻完....繼續挑戰FSA~

定期聚會~

而家只係得番中學同學同埋IE同學有個定期既聚會..., 其他都只係間唔會約出黎聚下... 尤其係而家呢個時間, 要專心應付我既考試, 除左定期聚會會繼續搞之外, 好老實其他既function某程度上我都唔太想去搞... 有時個心情真係好矛盾, 好多朋友仔都已經好耐無見而又想約出黎食飯, 但係溫書就成為左我無時無刻既必然活動, 有時間就應該去溫..., 結果就唯有將所有想做既野通通壓後去考完試之後... 真係有太多太多野要嚮考完試之後去做.....唉~~開始感受到D壓力..~ 咁多位朋友仔, 而家....體諒下我先, 遲少少我仲要閉關謝絕一切活動.... 考埋試之後我會多D搵你地架啦... 加油加油!!!!

再行前一步...

今年未完, 唔講今年俾自己個目標達成如何住... 仲記得05年1月俾個個planning自己.., 當時仲係嚮ricoh發緊傻... 今時今日.., 5個目標完來我可以勉勉強強叫做幾齊.... 1. GMAT (本身用黎入master, 結果揀左間唔駛睇既, 可以不理) 2. HKSI (入左恒記就KO哂~ 仲可以claim 番paper 1個 $600, 無得頂) 3. IIQE (真係比較易, 好快就KO哂, 仲送多份MPF添..) 4. Master of Finance (終於有人收..., 恭喜恭喜) 5. CFA (算叫做成功pass左 level 1, 仲做緊level 2 candidate, 希望下年係level 3 candidate) 最開心既係有Master讀, 某程度上都証明左自己既實力 (僅此致謝M小姐既essay同兩位老闆既reference letter)..., 唔可以再俾其他人有藉口話我個CV唔夠靚..., 尤其係個D以為我既能力比讀過BBA既人差既人..!! 我要話俾佢地知我會用個Master黎override佢地!!!! 我要話俾佢地知, 當年讀IT既先係叻個一批!!! 哼!~ 係時候再檢討下自己下一步又要欏到d乜.... 多謝各位~ (偏激左少少, 唔好意思^^)

江恩股票買賣守則

近排身邊聽到越黎越多人想入巿參與股票巿場呢個遊戲....., 令我再次要提醒自己...大巿是否開始過熱.....為左令自己清醒D, 又為左同朋友分享一下...., 特登Paste 江恩股票買賣守則嚮度, 警惕下自己... 股票操作買賣守則: 1、每次進場買賣，損失不應超過資金的1/10。 2、永遠設立停損點，減少買賣出錯時可能造成的損失。 3、永不過量買賣 4、永不讓所持倉位轉盈為虧 5、永不逆勢而為。市場局勢不明確時，寧可退場觀望 6、看不準行情的時候就退出，也不要在看不準行情的時候入市。進場要堅決，猶豫不決時不要 進場。有懷疑即平倉離場。 7、只在交易活絡的市場買賣。交易清淡時不要進場。 8、永不設定目標價進出場，避免限價交易，只服從市場走勢。 9、如無適當理由不要平倉，可用停利單保護獲利。 10、如果你進行了一系列成功的交易後，可將部份利潤提取，以備不時之需。 11、買股票切忌只望分配股息。(賺市場價差第一) 12、買賣遭損失時，切忌賭徒式加碼，以謀求攤低成本。 13、不要因為不耐煩而進場，也不要因為不耐煩而平倉。 14、切忌肯輸不肯贏的態度。賠多賺少的交易不要做。 15、進場時下的停損單，不宜胡亂取消。 16、做多錯多，進場等候機會，不宜交易太密。 17、做多做空自如，不應只做單邊。 18、不要因為價位太低而買進，也不要因為價位太高而放空。 19、永不對沖。 20、盡量避免在不適當時採取金字塔加碼。 21、如無適當理由，避免胡亂更改交易策略。 小心~小心!

好好享受...

工作係辛苦既, 做D野係悶既, 不過今次唔想再講呢D~~~ 話說星期四晚又開埋D無聊會, 好彩之後約左其他區同事食飯吹水~~~ 一干人等由於都無乜Idea食乜, 結果走鬼左上去和民, 等左陣位都可以坐底.... 席間話題實在非常集中, 九成以上係講緊大家既工作...., 十居其九又主要係呻同討訴... 大家議論得興高彩烈, 你一句我一句, 紛紛盡數工作上的不滿不如意~ 野食好唔好食已經唔係好重要, 重要係大家飯局上既交流, 實在為不知所謂的工作添上一點色彩!! 飯後去LKF飲杯野, 飲住酒大家都Relax一下心情, 坐左唔係好耐都走..., 因為第日仲要番工.. 呢種生活..., 其實我都幾享往..., 始終而家見同事既時間仲多過屋企人.., 同佢地玩下傾下吹水下.., 呢D生活其實都唔錯~~ 學阿MIU話齋, 有呢D飯/酒聚, 去中環開會都叫做有番些少意義~~

朝令夕改...議而不決...決而不行

標題所言實在係我其中幾樣嚮工作上最怕既野.., 但係而家就偏偏發生嚮我而家既工作上.. 工作方向永遠舉旗不定, 一時呢樣一時又個樣, 上個WEEK同你要講做呢樣呢樣野, 下個WEEK又可以無左回事....上個月同你講要下個focus呢一樣野, 下個月又會有另一樣野俾你focus... 同樣又最怕工作方向係要由其他TEAM/其他人口中聽番黎.., 我地係局內人就完全唔知情...我最唔鐘意俾人隱瞞... 好怕呢種咁既工作環境, 講過唔算數, 無方向, 無溝通, 無交流, 根本就係Management中最大既問題... 我明白大公司轉個身都比較慢既道理, 但係溝通交流可唔可以做得好DD?? 可唔可以俾我地知道多D我地應該知既野?? 唉, 呢D或者就係 MBA Course 入面一D好好既case study 例子..., management..., 絕對唔係一件簡單既事, 亦絕對唔可以紙上談兵.., 實際應用實踐起上黎可能同理論完全唔同.. 好..., 呻完, 又要繼續做埋個D白痴無聊低能 Paper work..

創業大計

琴晚同中學同學聚會, 飯後回家途中又談論到我既創業大計... 基本上大家都覺得打一份工絕對唔夠食, 點都要搵D外快幫補下生計... 其實我一路都有諗過去開補習社, 但係始終無認認真真去考慮下個可行性等等... 身邊既朋友都同我講有興趣, 但係最終會唔會一齊攪&攪得成我都明白會係後話... 而家最主要就係要搵個地方, 主要都會TARGET番嚮觀塘區...(起碼自己都熟D)... 俾個Target自己.., 考埋個試就要認認真真做下 research... 又順便提一提自己...而家都係要應付好個考試先!!!

朋友的經驗

話說早幾日朋友去Interview, 聽完佢事後檢討之後覺得有幾點真係值得point out出黎大家Share下... 1. 記得要問Interviewer個名, 最好有埋 Position, 如果有咭片可以欏就最理想... 一方面可以嚮事後SEND個Thank you Letter, 一方面如果好似我朋友咁雖然覺得成功機會唔大, 但係覺得個Interviewer對自己有印像, 咁樣嘗試下同Interview Keep contact, 呢個都係擴大自己network既其中一個方法 2. 事前準備工夫要做足, 但係做足之餘亦唔可以因為為左Show俾人地睇我做足功課而乜都UP哂出黎, Interview一定切忌答非所問, 為左表現自己有做功課乜都講哂出黎但係答唔中Point一樣係唔好. 3. 朋友被問及工餘時間會做乜, 我朋友為左希望令Interviewer覺得佢Pro, 朋友答左話會睇下news, 點知俾人覺得佢好似一部機器.., 俾人話要世界news 上網就有, 唔駛請個人番黎..., 我估計如果答出去同朋友飲杯野交流下, 又或者做一D野去減輕壓力+增廣見聞可能會仲好, 此乃 "LIFE" ... 4. 朋友被pin point佢CFA+LLB 而且又成日轉工咁, 覺得佢唔 Stable.., 即刻令我諗起真係要嚮一個地方做耐少少, 同埋, 每轉一次工都要審慎考慮...亦令我更加堅持要去大機構做, 至少Internal transfer都多D機會 Interview其實絕對係玩緊一場心理遊戲, 只要你捉到Interviewer個心理, 佢要你有analytical mind, 要 smart, 要aggressive 要talkative 定係要有 loyalty, stable 穩陣, 見多識講 , 全靠你嚮開頭既接觸收風打聽番黎, 只要知道個Interviewer想要D乜, 你調教好自己, 俾哂佢想要既野佢, 份工自然就手到拿來... 當然..., Interview 絕對係雖然經驗去學習的~~ 嚮度希望朋友加油, 快D搵過第二次既見工機會啦~~~

普通生活....

呢期日日都係番工放工食D野番屋企溫書...., 感覺好 Regular~ 覺得自己都開始上緊力..., 加油~ SET 左一D Deadline俾自己... 希望 Achievable!~

鍛練

每件曾經令你介意令你唔開心既事..., 若干年月日之後, 其實諗番轉頭都係一D令你成長既經歷....絕對係個天刻意安排俾你既事, 呢一刻你唔高興, 抽身出黎睇番原來係對你好.. 想當年中學一段唔係咁愉快既經歷, 縱然而家仲係歷歷在目, 但係正好時常警惕我做人一定要學識睇眉頭眼額, 小心說話, 小心禍從口出, 得罪左人地都要識得講SORRY, 唔好仲要扮哂唔知...呢樣野令到我嚮大學, 甚至出黎做野都好有幫助.., 至少.., 令我覺得人際關係與人相處呢樣野係好微妙.., 坦白講.....於我而言亦係好好玩... 最近, 曾經諗過好唔鐘意而家工作既性質環境, 想過離開.., 但係抽身諗清楚, 而家正好提供一個悠閒D時間俾我去溫下書..., 晚晚要OT既生活呢一刻唔係咁適合我... 我開始明白好多野真係刻意安排好...要你嚮事後先明白個道理.... 我要學叻D...嚮發生事情既一刻就要明白係咩安排!!!!

我的古怪同事...

1. 一齊食飯, 大家食既野價錢唔同, 埋單之後提議廢事再計, 就咁除番均就算, 反正爭幾蚊無所謂..............結果席間有位同事話 "我個$28架, 加埋一我俾$31"....... 2. 預左人頭俾$$去BBQ, 每人夾左$150, 結果個日自己去不特止..., 仲帶埋老公, 老爺奶奶, 兩個女, 老公細佬同細妹TOTAL一家8口, 都係夾$150.....結果搞到人人要夾多$40補番條數, 之後仲要嫌貴....... 3. 自己結左婚兩個女仲要成日扮細....嚮到o爺同事...唉...毛管都棟哂... 好怕...好怕... 尚有更多未能盡錄 祝君好運!

乍暖還寒...

呢排D天氣真係好麻煩..., 熱下又涷下, 勁潮濕又大霧, worst case仲要落雨... 真係最鬼怕呢D天氣..., 唉~~ 琴晚嚮個人本身極之疲累之下訓覺, 仲要發埋D無聊夢攪到訓得唔好... 結果今朝起身就發覺喉嚨唔係咁舒服...有D痛...個人又勁唔夠精神咁... 係咪係時候欏番一日半日病假呢..... 我真係要回一回氣...

心情回復~

經過一個星期有多既Struggle, 終於回復過黎~ 工作上有番心力, 溫書上面都下定左決心! 3月係一個好既開始~~ 大地回春~天氣回暖~ (不過其實我又怕濕又怕熱....) 加油, 努力~ 要俾D原動力自己!!

有了決定...

經過呢一兩個WEEK既Struggle同反覆思量..., 終於有個比較肯定D既決定... 而家既我應該要應付在當前最緊要既一樣野, 搞掂左個 CFA Level 2先再去諗究竟自己想點... 既然而家時間比較多, 就更加應該利用呢D空閒時間去讀下書, 唔好俾自己有藉口話無時間去讀... 至於過Probation同唔同老闆講而家我既處境同埋我既心態, 都係留番到時先去做決定... 我都係要發揮番我既強項, 專心一致去做一件事.... 今日睇完NJ個Blog, 令我更加有動力, 我一定要成功架, 嘿嘿嘿~~~ 加油!

好鬼死涷~~~~

今朝真係超唔想起身.....頂 =_=

理性分析....

近排有少少自己搵自己麻煩既感覺, 完全唔似一貫我既作風, 呢幾日不停咁考慮分自己既處境, 亦都同唔同既人Share過, 以下作出少少分析.... 想繼續留低既原因: 1. 呢度只係做左4個幾月, 咁快又走, 份CV會好唔靚仔 & 俾人覺得我好似養唔熟, 留唔住, 做唔長既感覺 2. 呢度既人際關係網絡仲有好大既發展空間, 貿貿然走左會浪費左呢邊既機會 3. 六月就考CFA, 呢度既生活容許我有相對多既時間去溫習 4. 呢度個老細好好人 唔想繼續留低既原因: 1. 工作中無乜野可以令到我有興趣有心機去 pay effort 2. 希望搵到份工我可以放多D心機時間落去而又可以換黎一個大D既回報 3. 呢度有幾多同事俾唔到一種 Professional 既感覺我..., 有好多都好似係hea下hea下呃飯食等退休咁.., 我唔想搞到自己懶哂 4. 人工低 5. 我搵唔到自己個 Value 嚮邊度 其他同事既意見俾我都係建議我應該走.., 覺得如果唔走, 會連未來既時間都WASTE埋... 我其實仲未決定到...., 你地有無咩意見俾我??

耐性...

點樣先可以訓練到一個人既耐性?? 點樣先可以訓練到一個人唔會咁容易受外間既誘惑?? 嚮呢度做左四個幾月啦..., 其實一路都Run得幾好... 但係過左農曆年開始..., 我竟然又開始日日睇Ads... 究竟我自己想點, 我一樣唔係太知.... 只係.., 開始慢慢搵緊自己個 Value 嚮邊..... 同另一位比較熟既同事傾開做野既問題, 發現其實工作上既滿足感其實真係好重要... 另外我唔能夠否認人工係另一個我好Concern既問題.... 而家最主要就係呢兩樣野我未說服到自己..., 第一就係話工作上我開始搵唔到自己個 Value.., 第二, 就係我絕對覺得我自己人工係 underpaid....當然我剛剛入黎我唔能夠 expect D乜.... 我亦都好明白黎緊6月有個好重要既試要面對.., 過埋個試我會有 bargaining power 好多...再加埋如果有人收我讀Master會更好... 但係..., 我就係發現自己開始缺乏耐性...., 竟然咁快又有離心... 不過老實講份工係真係幾 hea 架喎..., 只係我照計唔係, 亦都唔應該只係追求 hea囉...!! 點算....點算.... 唉~~連我自己都開始覺得自己麻煩...=_= (好, 呻完....)

吊命...

近排覺得自己個身體健康差左...., 成日好似唔夠訓咁, 好易累... 個人又熱氣又燥底....硬係有種"牛"病既感覺 結果成日走左去飲廿四味... 彷彿廿四味成為左我既吊命藥.... 唉...., 其實真係想有一個Break.... 同同事傾開同佢地講我做左兩年幾野都無乜點break過..., 佢地都話咁樣一定好辛苦.. 唉.....我真係好渴望有個長假期...

唔好認叻~

近排真係好精左~~ 為左唔好招惹不必要既麻煩, 凡事真係唔好認叻... 認得叻既你就要預左 Take up 一D Responsibility...... 緊記緊記!!~

被串?

經過星期六晚同恒記同事既晚飯 + 精采既夜晚, 及星期日既休息... 今日番工竟然俾其中一個大客串親!!~ 呢個大客其實都係o岩o岩識, 見過一次面其實都知佢麻Q煩.., 不過都係怪我之前無做足功課, 上到去UP UP下事旦講左D rate 既 range 出黎, 竟然俾佢大番轉頭話我一定知度係 above 呢個 rate, 叫我之前去做番好D homework先 (竟然仲要用英文... !_!) , 實在太可惡~~~ 雖然其實我同事話個客都只係擺番個老細款出黎, 認真, straight forward 個隻, 不過我自己又真係衰無做好preparation既 (唉...星期一魂魄都未番...)... 不過都好, 呢排個人做野做得hea得滯, 呢一野正好警惕番我要認真番少少....唔好太hea.., 哈哈!~ 放心, 呢個客, 我絕對有能本事捉到佢實一實, 睇住黎, 嘿嘿!!~

不負責任預測 again...

今日適逢匯豐宣佈 Mortgage 利息減至 P-2.75 (今日為 5厘), 又被兄長提及建行日日係咁升... 小弟又在此做個不負責任預測先..... 1. 一至三個月內, 樓價回落 2. 建行即將回落至3.35附近, 及後再上~ 3. 銀行及地產股逐漸回落 呢一刻, 小弟係淡友, 哈 : )

有意思~有意思!

送給我身邊的一些朋友~

與及某些時間的我自己!~

Eason 演唱會

11/2 去左睇EASON演唱會~ 全場感覺係舞台設計好有心思, 有心思到其實我唔係好明, 哈... EASON今次繼拉闊後玩多左舞蹈, 亦見到D舞蹈係排得有意思既~ 例如唱大空漫遊時既舞蹈~ 再唱 "傷信", 其中一個全場既高潮~ 太早完, 11:15左右就完, 不過佢當日唔舒服, 無法~ 多謝各方好友既陪同, 下次再有機會同大家睇我會早D買飛 : )

怕怕....唔好壞呀!

還記得以前久唔久就會嫌部電腦行得慢, 索性諗都唔諗重裝windows去tune番快部機~ 之後慢慢install番D常用既 software, 執頭執尾, set 番好自己習慣既 shortcut, 之後煥然一新, 好似新電腦一樣, 享受著速度感.. 不過...自從出左黎做野, 換左電腦之後, 我發現....原來我兩年幾無試過再做呢個傻事.... 今晚番屋企開電腦, 竟然入唔到windows, 話叫我搵番個boot device出黎, 然之後先用到云云... 嘩我頂.., 當時我心諗, "保你大呀, 你咪壞呀" , 我真係付出唔起個 Time cost 同精神去裝過個 windows 入番哂所有野... 心急之後我起碼 reboot左5-6次, 重新開過機2-3次... 結果都係一樣..~ 好彩自問由細玩電腦玩大, 忽然間諗起可能係Bios問題, 我即刻入去睇睇, 望左陣, 諗左諗, 發現左個問題 ~~ (原來佢個boot sequence錯左, 但係唔知點解會忽然錯左 =_=), 焦急既我竟然改番正之後即刻又出番去啦~... 點知結果一樣啦, 我拗哂底....., 之後決定無理佢, 走鬼左去攪第二D野一陣... 再番黎, 入BIOS睇, 先發現自己頭先原來無 save......嘩, 都唔知仲乜叉事會咁... 我拿拿臨執番正, 終於....俾我見番windows xp個畫面.., 我心情先冷靜番落黎... 今次經驗...真係頂一聲...~ 唉, 而家真係唔識玩電腦...好鬼怕佢有事... 事關而家夜晚無左部機, 真係爭好遠.....~ 保你大....千奇咪再攪鬼我呀~ 我受唔起打擊.....: ) 亦都請大家留意....我已經唔再係IT人.....唉~

社會大學高材生?

近排身邊D朋友仔俾左好多例子我話要搵到$$$做到高層, 讀書真係唔係最重要.. 經常聲稱佢老細都係中五畢業only 云云... 其實, 我自己某程度上都好鬼認同, 之前聽鄒凱光嚮電台節目提到, 做人處事講三面~ 1. 人面 2. 情面 3. 場面 人面, 對工作非常重要, 出到黎做野就會發現, 你識得人多, 唔駛一定要熟都會發現好有幫助.. 情面, 人地肯賣人情俾你, 做野都會 straight forward D, 唔駛轉彎抹角, 又係重要 場面, 我唔係好記得點解, 可能係講緊天時同地利~ 可能, 識得處理呢三面, 先係社會大學既高材生~~ 要積極去學好呢三樣野!~

個人炒股守則 version 1.0

1. 大跌+成交量增加, 唔買 2. MA 逆排, 唔買 3. 窩輪, 唔買 4. 無經分析或者無原因既, 唔買 5. 溝上, 唔溝落 遲下再有先再加上去~

開場白

今日同朋友食TEA, 傾開見到朋友既開場白既問題., 我好自然咁話, 多數見面都係會話 "點呀, 近排你點呀?".... 結果佢就話我好鬼死Default., 之後, 我真係R哂頭, 其實大家見到D唔會成日見既朋友, 一開波會講咩呢?? 有無D意見比下我..?

Chaser

你幾時番黎呀..... 發現無左你, 星期五六夜晚真係悶左好多... 琴晚去完LKF, 完全係兩回事~ 始終都係你好D... 好掛住你~ 希望你五月真係會番黎啦~~~ 哈!~

Chaser

你幾時番黎呀..... 發現無左你, 星期五六夜晚真係悶左好多... 琴晚去完LKF, 完全係兩回事~ 始終都係你好D... 好掛住你~ 希望你五月真係會番黎啦~~~ 哈!~

新春首仗報捷!!~

雞狗二年之間, 屋企黎左一場轟烈既四方城大戰~ 側聞肖蛇者於狗年財運亨通, 命運安排兩位肖蛇者對坐, 其餘挑戰者分別肖雞及肖牛~ 結果, 四回合過後...... 肖蛇二人大敗而回~ 肖牛者取得凱旋而歸~ 肖雞者(小弟)則小嚐甜頭~~ 期待下次再戰~ 多謝多謝~ 另在次恭祝各位狗年身體健康, 橫財就手, 生意興隆, 步步高陞, 學業進步, 心想事成, 事事順利~ 恭喜恭喜!!!

朋友的選擇 --- 669創科實業

669 創科實業 單單看圖, 我相信我的朋友是在前一個交易日大跌巿中入貨的... 不過...., MA 全部逆排, 成交上升股價下跌, 各種利淡因素集而一身... 結果..., 今朝開巿前宣佈停牌..., 涉公佈股價敏感消息..... 至少, 我會相信有其他更佳的選擇..... 希望我的朋友好運, 希望我睇錯~~~

誘惑...

原來外間既誘惑真係好犀利, 真係搞到我呢排個人一得閒諗野就會諗番起... 機會原來真係大把, 個巿原來真係好好景~ 不過都係Jaa 爺講得o岩既, 後生仔, 捱下先啦, 唔好成日諗住轉!!!!! 但係, 不論公司名/人工, 都好吸引 : ) 雖然呢度又有佢值得留戀既地方!~ 哈哈, 真係難決擇...~

I Love you, KOBE the 81!

Kobe Bryant 個人獨取 81 分! 帶領湖人於23/1/2006以122-104戰勝速龍.. 創造歷史性紀綠~ Are you serious?? Yes, I am serious!! 你話我獨食?? 我獨食得起!! I Love this game!!

巿道好轉??

有無咁Q多人呀.., 前日琴日一連兩日都光顧左有番咁上下規模既酒樓食飯~ 嘩, 人多到呢, BOOK左位都唔代表你一黎到就有位, 起碼要你等番半個鐘先至安排到你坐低, 再加上等候大堂D人密到插針都插唔入, 老實講, 係咪過份左少少呀....? 兩次都係一早就訂左個套餐, 一坐低就即刻同你上兩碟菜, 好似要快快上哂D菜趕你走再做下一輪咁, 我心諗, 我地八點幾先至開波食, 你係咪仲趕得切做多一輪生意呀?? 真係一個唔係咁好既經歷, 我實在太唔鐘意一班人食飯要趕頭趕命, 好似打仗咁.... 不過.., 見到咁既場面, 係咪真係意味住經濟巿道好轉?? 如果係真既, 消費上面會唔會唔再慳住慳住, 而係大手交易?? 如果真係咁, 香港可能真係會再好多三五七年.. 零六年, 會唔會真係咁好呢..?? 我既零六零七預言唔知會唔會出現呢...

出外靠朋友

邊個話無直版銀紙換? 你識朋友就幫到你~ 邊個話Mort Loan個利息貴? 你識朋友就幫到你~ 邊個話定期利息低? 你識朋友就幫到你~ 邊個話無生意要愁? 你識朋友就幫到你~ 份件唔識做點算? 你識朋友就幫到你~ 朋友多~ 真係好好多!! 多謝各位幫過我既人 : )

Kick Off

Unofficial Kick Off 左... 開波要做野, 原來真係會有壓力~ D同事都傻傻地既~ 睇黎我都係時候做番D野!~ 如果唔係, 下年我又會嚮另一間公司架啦~~~

反思 - 跳出框框

今朝一早睇完原是物語, 有以下感想... 文中提及孔少林中學時的美術老師常常指導他們要打破傳統, 天馬行空, 他們參加美術比賽時做了一尾大金魚, 而魚尾飛出框外, 最後憑這個『跳出框框』的意念得到了全港冠軍... 睇完全文即時令我想到上星期同同事傾開佢仔女讀書既問題, 我地異口同聲地同意, 經過香港教育制度既洗禮後, 都認為如果有錢, 一定送自己子女去外國讀書... 究竟係咩原因令到我地對香港教育咁無信心? 定係外國月亮硬係圓D? 我只係覺得嚮香港讀書, 你永遠就係不停吸收, 永遠將老師同書本講既野照吸, 當中極少加上思考, 變左你話乜我信乜, 只要信就不要怕.., 每個學生就不停將自己當做機器咁讀書..., 好啦, 唔讀書就被標籤為壞學生, 無前(錢)途等等.. 結果就做成好多只係識讀書既書獃子, 非書本上的免問.. 又有另外一批比較醒目既會順住要求去做, 我地稱為 "exam-oriented" 為考試而讀書, 考完可以話係99%唔記得, 讀完, 又係唔知做乜... 嚮我地經歷呢D階段後, 對香港教育都怕怕... 而且而家學生入學講求 "乜都識", 美術音樂舞蹈跆拳空手足球游水棋藝演講天文地理科學政治經濟最好樣樣都識, 一方面造就不少學童教育公司, 一方面卻苦了小朋友.. 又見到有D家長唔俾子女睇電視, 慌死個仔學壞, 叫個仔去讀古文, 四大名著等等, 到到我地呢個年紀, 一定會俾人問 "你個童年去左邊??", 到時個仔女先識得後悔... 如果仔女真係鐘意都還可以, 如果唔鐘意, 第時就只會埋怨父母無同佢地安排最適當既野... 或者.., 還小朋友一些自由可以嗎?? 俾佢地有自己既想法, 等佢地破舊立新, 跳出框框, 可以嗎??

成功踩車

正所謂天有不測之風雲, 我地呢個 IESoc&Fans同學會不下數次嘗試攪踩車活動都撞著落雨甚至打風而令活動改期, 嚮一改再改之後, 琴日終於成功完成到我地呢個踩車會!! 節目嚮朝早開始 (其實已經12:30) , 我地先去飲個早茶, 都係每次必有既節目之一, 去左新城巿隔離間酒店下面間麗都, 食飯黎講無乜特別, 只係大家都好有避忌唔敢講落雨之說~~~ 食飽飽, 大家再確認天氣都應該無乜問題, 之後就去左租車, $50蚊一日, 叫做OK啦, 可惜無得嚮大埔還車, 爭少少方便~ 大家揀o岩車, 試下行下又兜下圈, 等齊人就出發~ 好彩無耐之前嚮Josephine屋企踩過下, 今日再踩都無話唔識平衡, 總算唔太失禮啦, 不過開頭都唔可以玩單手, 踩踩下先可以講住電話踩~~ 我地順住條路踩入大埔, 我估可能因為今日天氣都幾好, 成條路都好很多人, anyway 熱鬥D都OK既, 個半鐘多D, 就踩到入海濱公園~~ 嚮公園旁邊主要都係睇下人地放下風箏, 我地又做埋每個旅程必要做既野 (影相), 之後hea多陣都回程... 回程就頂囉~~ 俾阿A君打黎吹左陣水, 攪到我行錯路, 兜左個圈, 仲要問人人地又帶錯我行, 行番正路已經唔見哂佢地, 唯有出盡力踩..., 臨尾真係累到踩唔郁咁滯!!~ 踩到半路都係去番間船士多食魚旦飲綠力, OK啦, 可能累到食乜都無所謂, 食左少少抖左陣就捱埋回程條路.. 之後當然就係搵野食, 估唔到6:30 成個新城巿所有餐廳都要等位, 真係啤一聲~~ 結果ALEX搵左間新開既餐廳, 嚮大家都無所謂既程況底下照入去坐, 俾左個U形卡位, 都叫舒服既, 見餐牌野食又唔係太貴, 開始亂叫, 點知.... 絕對叫做有驚喜, D野食基本上黎講真係唔錯, 雖然有少少可能因為太累, 變到食乜都無所謂, 但係, 整體上都叫幾好!!~ (新到openrice都未有link, copy唔到.., 間野叫紅葉 Maple, 嚮好運中心舊好運葡國餐廳)~~~ 食飽, 吹水, 之後就頂唔順番屋企, 睇埋勁歌再睇車仔就訓lu~~ 總括今次旅程的確唔錯, 不過可能太耐無做運動...削左 =_=

溝通能力

出黎做野, 真係覺得溝通能力對一個人成唔成功真係影響好大... 我身邊有D同事我個人黎講其實都覺得佢係好有料, 可惜就真係衰在表達能力差, 溝通能力又有問題, 變左好多時佢想講既野根本表達唔到俾其他人知, 就算話想教人做一D野, 都攪到將D問題復雜化, 實在係好大問題!! 幸好我對自己既表達能力同溝通能力都尚算滿意.., 當然未去到演講級, 但係至少So far 我想表達既野人地都知人地都明... 說話能力.., 絕對係我畢業後其中一樣我自己好想去 Improve 既野.., 實在對做Sales, 甚至做人同與人相處有一個好大既作用!!

書到用時方恨少...

唉, 真係後悔點解當初唔勤力D讀書.... 勤力D, 一切原來都可以再好D... 唯有而家比心機面對將來所有既野!~

唱Karaoke

話唱K話左好耐...同各方好友結果都係無唱... 今日, 終於有機會唱lu~~ 話說今晚Team Building成Team人要出去唱歌, 結果Lunch走鬼左去Neway練歌, 最尾都係揀左唱紅日, 全個過程就不停咁紅日, 真係睇楊采妮都睇到驚....之後食埋Lunch, 練左陣, 2點左右D同事都開始走... 但係~~~我就同另外幾個同事靜雞雞留番嚮房繼續唱~~ (當然唔再唱紅日啦!!!!), 嘩, 真係一騷多月未唱K之癢!!! 爽!!! 仲要我地臨尾唱到差唔多3:30 先番番Office~ 因為老闆生日, K房送左個蛋糕同香檳俾我地, 我地番到Office 之後又切埋蛋糕同飲香檳...真係無得頂... 玩下玩下又四點幾, 坐多陣就過中環Team Building.., 又一餐免費晚餐!~ Wonderful!~

網誌~

忽然間發現原來好多人都開始寫網誌.... 哈, 好彩我嚮年幾前已經開始寫, 今云仲唔潮番一次~? 呢排好鬼忙, 知道個Blog有問題都無時間理自己個Blog.. 睇怕都要等禮拜尾先搞一搞...

2006 年小弟目標

做完個2005年回顧, 嚮開工前就SET番個2006年目標啦~ 1. CFA Level 2 希望順順利利 Pass, 之後再成為 Level 3 既 Candidate~ 2. 希望有學校收我讀 MSc of Finance 3. 繼續學金樓股匯債既研究 4. 盡量嚮呢年內唔轉工 5. 去一次旅行 暫時諗到咁多先, 遲D再有就加上去 : )

2006年不負責任經濟預測

等小弟嚮呢度, 做一個不負責任既06經濟大預言先~ 1. 樓巿 整體社會都預期06年3月貝南克上台加多一次息之後美息見頂, 香港息口亦見頂云云, 隨之而來就一定係樓巿蓬勃等等... 不過我呢D包拗頸!! 我預言息口見頂後樓巿會再略有升幅, 其後隨之而黎就係慢慢回落, 息口見頂後買樓既人, 我祝福佢地唔會變成負資產!!! 以上係基於我既理論, 息口升樓巿升, 息口升完樓巿回落既 Theory! 2. 股巿 普遍睇好各中資股, 尤以銀行股及電訊與電訊設備行業, 主要原因基於06年兩隻大型銀行股IPO及內地3G落實計劃, 呢兩點小弟亦都非常認同.. 至於原材料, 石油, 等等, 小弟並遍睇淡.. 至於本地股巿, 預計今年都係缺乏方向, 恒指都係有波幅無升幅多., 預計年頭應該會有某個別類型熱炒股, 到年中開始冷卻, 上半年股巿應該向好, 下半年以反覆偏淡為主. 3. 匯巿 匯巿上, 預期美息見頂後美元會有一次重大回落, 及後將重拾升軌, 預期日本最快於下半年先會再考慮開始加息. 06 年上半年仍然會以套息活動為主, usd/jpy, aud/jpy, nzd/jpy, eur/jpy 上半年應該有唔錯回報, 下半年, 比較難預測! 4. 金巿 唔識, 希望06年我會學識分析 其他預測: 預期06年下半年至07年上半年, 香港經濟未必會好, 依然相信06年07年會有大事發生睇淡香港樓巿股巿, 小心會有泡沫爆破, 尤以美國樓巿為甚, 其後香港必然跟隨.. 下半年投資必須審慎, 小注慢慢吸納並嚴守止蝕為上策, 可以選擇留意對沖基金既動向, 於逆巿往往表現為佳~ 另外美國貿赤會靠人民幣升值得以舒緩, 美元並唔會因此而大跌~ 暫時係咁多, 還請留意上述乃係不負責任之預測, 有錯當學野, 有o岩就等我下年認下叻先~

2006年既頭兩日...

我都通左頂...哈哈~ 太多野未做, 希望今日會完成番啦~~~ 新一年, 努力努力~ 盡快搞掂埋個 2006 前瞻先~