要開心好難咩?

琴晚又同朋友傾開 "開心" 呢個問題..., 發現在一樣野, 個故事係咁樣既~~ 話說有一班感情好好, 維持左好耐既朋友, 大家成班人相處起黎都好開心, 個感覺好好, 會放大家嚮一個好重要既地位..., 有一班咁樣既朋友當然係開心啦...不過問題又黎啦.. 個問題就係人總會係貪心, 會希望呢個關係一路維持落去, 成班人都會一路開心落去, 亦結果因為咁, 變得開始擔心呢個 "開心"唔可以繼續... 我個一刻既回答係, 其實維持一班人關係呢一樣野唔係一個人可以做得到, 當然每一個人都要taking parts亦都要盡心落力, 但係一個人既能力有限, 有時亦都唔可以強求.., 呢段感情我地可以睇成為 "超額未完成", 可以繼續落去當然係 bouns, 亦都好願意繼續付出去維持... 但係, 萬一真係發生咩事既話, 亦可以懷念下當初係幾咁開心, 都算係一件好事..., 正所謂天下無不散之筳席嘛..,何必為左擔心而令到自己唔開心呢?? 我寧願珍惜每一刻相處既時光, 令大家都開心D, 又繼續努力去維持就, 唔會後悔就OK!~ 要開心其實真係唔難, 將開心既野放大D, 將唔開心既野縮細D...慢慢黎就應該可以.. : )