世界盃月

黎緊一個月既時間都可謂非常充實, 差唔多日日都會有波睇, 我呢個球迷當然盡可能唔錯過每一場賽事~ (其實我連法國網球泥地賽我都有追, 拿度真係勁到呢......) 上星期六係世界盃第二日賽事, 我地F8總動員食完6月飯聚之後就上左黎我度睇波打機兼打牌.. 早兩日我都好激動咁去左百佳掃貨, 預備定我地呢個世界盃月既糧草, 總共買左五百幾蚊野, 計埋星期六幾十蚊, 成六百幾蚊零食連飲品, 好彩有送貨服務, 如果唔係都幾甘.... 講真當日D波就麻麻地精采啦, 第二場我地睇左一半都無, 第三場就勁眼訓咁睇 (場波悶其一, 個人眼訓其二), 但係最開心都係玩 winning 既時間, 絕對精采過睇波, 哈哈, 勁激動... 結果玩到五點幾先訓..., 不過真係發現而家極之唔挨得夜..., 以前通頂打機做 project 閒閒地做到朝頭早都毫無問題, 但係而家真係玩夜D個人都覺得好殘... 爆瘡不突止, 個人手手腳腳又好似痛痛地咁, 又唔夠精神咁..., 攪到成個道友咁...真係大檸樂... 世界盃7月10日先完..., 呢個月入面見到我沒精打采咁唔駛咁擔心, 多數都係因為睇波攪到咁樣樣...哈~