IESOCnFans 聚會

說是 IESoc and Fans 的聚會, 不如說是我, Yvonne 我 NJ 考完試後的聚會, 因為呢個先係我今次約食飯既出發點... 其實一個WEEK有多之前已經約定係15/6 的, 不過我到前一日先打電話去 confirm (懶的關係), 結果就變左有好幾位朋友仔都黎唔到....唔緊要啦, 下次我會早少少約 : ) 當日中午打電話去訂位, 先後打過魚一丁, CPK及Dan Ryan, 竟然不約而同地無位!!! 太可惡, 香港經濟咁好咩? 星期四都玩 Full Booking?? 結果又去番我覺得其實都唔錯既 Our Wonderland 食, 一行7人我地order左一個6人餐, 味道算唔錯, 不過奇怪左飲哂湯之後先上包包....有點兒錯左次序囉... 及後個甜品其實唔錯, 有雪糕有芭芙, 可惜當日大家都無帶相機, 環境又相對比較暗(其實是不錯的), 結果就無影低相~ 席間我地傾左好多計, 講下邊個結婚, 講下以前上堂抄功課D野, 竟然傾傾下背番哂中五Chem入面頭20種元素出黎 (真係撞鬼=_=), 又講下 convolution 上左幾多個 course, 講下走堂, 講下邊D professor正PK, 傾傾下, 唔覺唔覺又差唔多11點~ 離開餐廳同Yvonne&NJ步行番旺角, 我就坐小巴番屋企睇英格蘭對千里達, 時間剛剛好~ 最終賽果英格蘭少勝2:0, 其實打得麻麻, 不過可能真係未上力啦, Anyway, 我都係鐘意西班牙多少少, 哈 : )