好好享受...

工作係辛苦既, 做D野係悶既, 不過今次唔想再講呢D~~~ 話說星期四晚又開埋D無聊會, 好彩之後約左其他區同事食飯吹水~~~ 一干人等由於都無乜Idea食乜, 結果走鬼左上去和民, 等左陣位都可以坐底.... 席間話題實在非常集中, 九成以上係講緊大家既工作...., 十居其九又主要係呻同討訴... 大家議論得興高彩烈, 你一句我一句, 紛紛盡數工作上的不滿不如意~ 野食好唔好食已經唔係好重要, 重要係大家飯局上既交流, 實在為不知所謂的工作添上一點色彩!! 飯後去LKF飲杯野, 飲住酒大家都Relax一下心情, 坐左唔係好耐都走..., 因為第日仲要番工.. 呢種生活..., 其實我都幾享往..., 始終而家見同事既時間仲多過屋企人.., 同佢地玩下傾下吹水下.., 呢D生活其實都唔錯~~ 學阿MIU話齋, 有呢D飯/酒聚, 去中環開會都叫做有番些少意義~~